Ingveldur Thorarensen úr Hafnarfirði datt heldur betur í lukkupottinn í morgun þegar nafn hennar var dregið út í áskriftarleik Morgunblaðsins.
Hún hlýtur gefins glænýjan Mercedes-Benz B 250e-rafbíl en dregið var í beinni útsendingu hjá Sigga Gunnars á útvarpsstöðinni K100.
Ingveldur ætlaði varla að trúa sínum eigin eyrum þegar Haraldur Johannessen, ritstjóri Morgunblaðsins, hringdi í hana og sagði henni að nafn hennar hefði verið dregið út.
Hún mætir í Öskju síðar í dag og tekur við bílnum.