Enn er lokað fyrir aðgang gangandi vegfarenda á bak við Seljalandsfoss, eftir að grjóthrun varð við fossinn í gærdag. Þetta staðfestir Elísabet Þorvaldsdóttir, sem rekur söluvagn nærri fossinum.

Segir hún fulltrúa landeigenda gæta þess að enginn fari fram fyrir þá borða sem lögreglan strengdi í gær, og tekur fram að fólk virðist virða lokanirnar þegar því er tjáð að hætta sé á ferðum.

„Við erum bara virkilega fegin að engin slys hafi orðið á fólki,“ segir Elísabet í samtali við mbl.is. „Að öðru leyti gengur lífið hérna sinn vanagang, í íslensku haustveðri og sudda.“

Lögreglan á Suðurlandi hefur ekki getað veitt upplýsingar um lokunina í dag.

Frétt af mbl.is

„Drifu sig samstundis í burtu“

Tengdar fréttir

Ferðamenn á Íslandi

Ferðaþjónusta aldrei vegið þyngra í landsframleiðslu

• Innviðir komnir að þolmörkum
• „Var lengi vel eini vinur ferðaþjónustunnar“
• „Hækkun VSK á ferðaþjónustu er þjóðhagslegt óráð“
• Mikill áhugi ferðamanna á þyrluflugi

» Fleiri tengdar fréttir

• Blogga um frétt