Kennir Þorgerði um verðlækkunina

Þorgerður Katrín Gunnarsdóttir er ráðherra landbúnaðar.
Þorgerður Katrín Gunnarsdóttir er ráðherra landbúnaðar. mbl.is/Eggert Jóhannesson

Formaður Landssamtaka sauðfjárbænda segir óþolandi að Þorgerður Katrín Gunnarsdóttir landbúnaðarráðherra stilli bændum upp gegn neytendum. Hann segir að tímabundin útflutningsskylda myndi ekki leiða til lægra verðlags og bitna á neytendum. Þá lýsir formaðurinn einnig því viðhorfi sínu að Þorgerður Katrín hafi með aðgerðaleysi sínu í sumar valdið því að afurðaverð til bænda sé „mun lægra“ en annars hefði verið.

Oddný Steina Valsdóttir bregst á Facebook síðu sinni við tillögum Þorgerðar Katrínar, sem ætlað er að leysa þann vanda sem steðjar að sauðfjárræktinni. Þorgerður Katrín hefur sagt að tími sé kominn á aðgerðir sem leiði ekki af sér endurtekið efni. Hún hafi því reynt að nálgast vandann á annan hátt en áður.

Meginmarkmið tillaganna er að fækka sauðfé um 20%. Það á meðal annars að gera með því að greiða bændum fyrir að hætta sauðfjárrækt eða minnka við sig.

Vildu útflutningsskyldu

Landssamtök sauðfjárbænda og Bændasamtök Íslands hafa gangrýnt tillögunar að hluta og segja þær ekki taka á þeim vanda sem felst í uppsöfnuðum birgðum kjöts. Bændasamtökin lýstu til dæmis þeirri skoðun sinni að gera hefði átt afurðastöðvum kleift að taka sameiginlega ábyrgð á útflutningi kindakjöts.

„Þær hugmyndir hafa ekki fengið brautargengi og staðan því óbreytt. Hættan er sú að þær aðgerðir sem landbúnaðarráðherra nú leggur til séu ekki nægar og verði aðeins til þess að draga ástandið á langinn.“

Bændur fá 25-35% lægra verð en í fyrra, fyrir afurðir ...
Bændur fá 25-35% lægra verð en í fyrra, fyrir afurðir sínar. Mynd af Facebook síðu Seglbúð

Segir ráðherra bera ábyrgð á lægra verði

Oddný harmar í pistli sínum að ekki hafi náðst að leggja fram tillögur sem bændur geti staðið að ásamt stjórnvöldum. Hún sakar Þorgerði Katríu um að hafa „látið sumarið líða“ án þess að bregðast við. „Það hefur kostað það að verðin [sic] sem okkur bændum bjóðast nú í haust eru mun lægri en annars hefði orðið. Þau eru núna þau lægstu í Evrópu að Rúmeníu frátalinni.“ Hætt sé við að greinin verði lengur að vinna sig út úr vandanum en ella.

Oddný segir að tvennt í viðtali RÚV við Þorgerði Katrínu um tillögurnar geti hún ekki fellt sig við. „Í fyrsta lagi að segir ráðherra að útflutningsskylda muni koma niður á neytendum. Það var aldrei farið fram á varanlega útflutningsskyldu og hvað þá að henni yrði beitt á þann hátt að sú aðgerð myndi leiða til hækkandi verðlags, þannig sú fullyrðing stenst engan veginn og reyndar er óþolandi að okkur bændum sé stillt upp gegn neytendum með þessum hætti.“

Hún segir að bændur hafi eingöngu farið fram á útflutningsskyldu sem tímabundna aðgerð til að hægt sé að vinna sig út úr ástandinu.

Þorgerður Katrín nefndi í viðtalinu að bændur hefðu farið fram á 200 milljónir til að ráðast í markaðsátak.

Oddný segir að það sé rétt en að slíkt átak væri jafnvel óþarft ef ráðherra væri tilbúinn að leggja útflutningsskyldu á afurðastöðvarnar. „Það er hins vegar látið hjá líða að nefna að bændur komu fram með tillögu um úttekt á ferlinu frá bónda til neytenda og tillögu um aukna áherslu á verkefni á sviði loftslagsmála, þær tillögur er ráðherra nú tilbúinn að eigna sér. Tillögur sem bændur lögðu fram í þessu ferli voru alltaf um það bil helmingi ódýrari en þær tillögur sem ráðherra leggur fram nú,“ skrifar Oddný.

mbl.is

Bloggað um fréttina

Innlent »

Dílum við það sem gerist

08:18 „Í rauninni breytir þetta engu. Við tökum því sem að höndum ber,“ segir Arnór Pálmi Arnarson, leikstjóri Áramótaskaups Sjónvarpsins. Meira »

Augun eins og krækiber

07:57 „Augun eru nú ekki á stærð við krækiber, þó þau líkist þeim í útliti,“ segir Erling Ólafsson skordýrafræðingur, sem heldur úti Facebook-síðunni „Heimur smádýranna“. Meira »

Parhús fyrir starfsmenn

07:37 Fyrstu parhúsin sem verið er að reisa á Húsavík til að tryggja starfsmönnum kísilverksmiðju PCC á Bakka húsnæði eru langt komin í byggingu í Holtahverfi. Meira »

Eldur kviknaði í bát

06:52 Eldur kom upp í vélarrúmi Bjargeyjar ÍS 41 er verið var að landa úr bátnum í Ísafjarðarhöfn skömmu fyrir sex í morgun. Greiðlega gekk að slökkva eldinn og varð skipsverjum ekki meint af. Meira »

Um 40 metrar í hviðum

06:45 Veðurstofan varar við hvössu og hviðóttu veðri á Suðausturlandi en í Öræfum gæti meðalvindur náð 25 m/s og í hviðum nærri 40 m/s. Talsverð rigning er austantil á landinu og á köflum mikil rigning á Suðausturlandi og Austfjörðum fram yfir hádegi. Meira »

Stjórnlaus í stigaganginum

05:55 Óskað var eftir aðstoð lögreglu í fjölbýlishús í austurborginni skömmu fyrir klukkan tvö í nótt en var var stúlka í mjög annarlegu ástandi í stigaganginum. Stúlkan var algjörlega stjórnlaus, argaði og lamdi á hurðir íbúa í stigaganginum. Meira »

Eru ekki hætt við áformin

05:30 Silicor Materials er ekki hætt við áform um uppbyggingu kísilverksmiðju á Grundartanga þrátt fyrir að fyrirtækið hafi fallið frá samningum við Faxaflóahafnir um lóð og hafnaraðstöðu. Meira »

Bátsverjar vistaðir í fangaklefa

05:52 Neyðarlínunni barst tilkynning um lítinn bát í einhverjum vandræðum, flautar í sífellu og siglir í hringi, er sagður á móts við Borgartún um klukkan 22 í gærkvöldi. Meira »

Sala á rafbílum eykst mikið

05:30 Um sjötti hver fólksbíll sem seldur var til almennra nota á fyrstu átta mánuðum ársins var að hluta eða öllu leyti knúinn rafmagni. Til samanburðar var hlutfall slíkra bíla samtals 2% sömu mánuði 2014. Meira »

Misjöfn viðbrögð við tillögu

05:30 Forsætisráðherra kynnti í gær minnisblað með tillögum er miða að því að heildarendurskoðun stjórnarskrárinnar fari fram í áföngum á næstu þremur kjörtímabilum. Meira »

Góður gangur í viðræðum

05:30 Maríanna H. Helgadóttir, formaður Félags íslenskra náttúrufræðinga, telur ekki að ríkisstjórnarslitin þurfi að hafa áhrif á yfirstandandi kjaraviðræður félagsins við samninganefnd ríkisins (SNR) um gerð kjarasamnings. Meira »

Tvöfalt fleiri sækja um hæli

05:30 Það sem af er ári hafa 779 manns sótt um alþjóðlega vernd hér á landi. Ríflega tvöfalt fleiri hafa sótt um hæli á fyrstu átta mánuðum ársins samanborið við sama tímabil á síðasta ári þegar umsækjendur voru 385 talsins. Meira »

„Ríkisráðstaskan“ var óþörf

05:30 Þegar Bjarni Benediktsson kom til Bessastaða á mánudaginn með þingrofsbréfið var það í venjulegri möppu en ekki í „ríkisráðstöskunni“ sem Ólafur Ragnar Grímsson gerði fræga þegar Sigmundur Davíð Gunnlaugsson kom til Bessastaða í apríl 2016. Meira »

Gæti dregið úr hagvexti

05:30 Óvissa um stjórn efnahagsmála gæti bitnað á erlendri fjárfestingu. Um þetta eru greinendur sem Morgunblaðið ræddi við sammála. Meira »

Bátur í vanda úti fyrir Kirkjusandi

Í gær, 22:30 Skip, bátar og kafarar frá björgunarsveitum á höfuðborgarsveitinni voru boðuð út um tíuleytið í kvöld vegna báts sem mögulega er í vanda nálægt Kirkjusandi í Reykjavík. Tilkynning um málið barst frá sjónvarvottum sem voru á gangi við Sæbraut og töldu þeir sig hafa séð lítinn bát í vanda. Meira »

Málum fjölgar hjá ákæruvaldi

05:30 Fleiri brot voru afgreidd af ákæruvaldinu á síðasta ári en árin þar á undan. Fjöldi brota sem afgreidd voru árið 2016 voru alls 6.777 en til samanburðar voru aðeins afgreidd 5.111 brot árið 2015, samkvæmt samantekt embættis ríkissaksóknara um tölfræði ákæruvaldsins fyrir árið 2016. Meira »

Aldrei fundið fyrir neinu svona sterku

Í gær, 23:52 Elín Emilsson Ingvarsdóttir sem er búsett í Mexíkóborg, segir jarðskjálftann í kvöld hafa verið hryllilega upplifun. Vitað er til að rúmlega 100 manns hafi látið lífið í jarðskjálftanum sem mældist 7,1. Hún segir vera í góðu lagi með þá Íslendinga sem hún þekki í borginni þó þeir séu í áfalli. Meira »

Óábyrgt að ákveða lokun flugvallar 2024

Í gær, 22:24 „Athuganir og áætlanir varðandi byggingu flugvallar í Hvassahrauni eru ófullkomnar og byggjast á frumgreiningu á mörgum þáttum.“ Þetta er meðal þess sem kemur fram í bókun sem Framsókn og flugvallarvinir lögðu fram á fundi borgarstjórnar í dag. Óábyrgt sé að taka ákvörðun um lokun Reykjavíkurflugvallar 2024. Meira »
Ódýr Ferðanuddbekkur nokkur stk 46.000 www.egat.is
- Hægt að hækka og lækka bak eins og hentar - Ferðataska fylgir ...
Mitsubishi Outlander 2007 dekurbíll til sölu
1 eigandi frá upphafi, ekinn aðeins 75.000 km. 5 gíra, bensín, 4WD, ný dekk, nýj...
ÚTI HRINGSTIGAR
Vantar stiga af svölunum ofan í garðinn ? Hringstigar 120, 140 og 160 cm þvermá...
Hústjald til sölu
Danskt hústjald Trio Telt af gerðinni Haiti er til sölu. Tjaldið er yfir 30 ár...
 
Félagsstarf
Staður og stund
Aflagrandi 40 Hjá okkur er opin vinnusto...
Opinn fundur
Fundir - mannfagnaðir
Sjálfstæðisflokkurinn í Hafnarfi...
Eldri borgarar
Staður og stund
Aflagrandi 40 Það er opin vinnustofa hjá...
Byggðakvóti
Styrkir
ATVINNUVEGA- OG NÝSKÖPUNAR...