Merkel klettur í hafsjó vitleysinga

Kýs Þýskaland Merkel í fjórða sinn? Þýski fjölmiðlamaðurinn Ali Aslan ...
Kýs Þýskaland Merkel í fjórða sinn? Þýski fjölmiðlamaðurinn Ali Aslan segir Martin Schulz þurfa að vera töframann til að hafa sigurinn af Angelu Merkel. mbl.is/Árni Sæberg

„Martin Schulz formaður þýska Jafnaðarmannaflokksins þarf að vera töframaður til að verða næsti kanslari Þýskalands. Tölurnar eru honum ekki í hag,“ segir þýski fjölmiðlamaðurinn Ali Aslan sem hélt erindi í Norræna húsinu í dag, þar sem varpað var fram þeirri spurningu hvort Þýskaland muni kjósa Angelu Merkel kanslara í fjórða sinn.

Aslan kveðst þó hafa verið of lengi að fylgjast með stjórnmálum til að treysta sér til að segja að eitthvað sé öruggt í þeim efnum, ekki hvað síst þegar horft er til úrslita Bandarísku forsetakosninganna eða Brexit atkvæðagreiðslunnar. „En ef allt fer eins og útlit er fyrir, þá verður hún áfram kanslari.“

Spurningin sé því frekar hverjum Merkel muni stjórna með.

„Schulz vill ekki önnur fjögur ár í samsteypustjórn með Kristilega demókrataflokknum (CDU). Gefi tölurnar hins vegar til kynna að kjósendur séu á öðru máli, þá munu jafnaðarmenn hins vegar væntanlega samþykkja slíka samsteypustjórn, þó treglega verði,“ segir Aslan.

Samkomulag um að ræða ekki innflytjendamálin

Þjóðverjar ganga að kjörkössunum þann 24. september og kjósa sér nýtt Sambandsþing. Í Þýskalandi segir Aslan hins vegar fátt benda til þess að kosningar séu á næsta leiti. „Ef ég hefði verið spurður fyrir ári síðan hvort að þetta yrði ekki spennandi kosningabarátta hefði ég sagt að svo yrði, m.a. vegna innflytjendakrísunnar. Raunveruleikinn er hins vegar sá að hún hefur verið ótrúlega leiðinleg,“ segir hann.

„Á göngu eftir götum þýskra borga á borð við Berlín, þá verður maður varla var við að það fari fram kosningar eftir hálfan mánuð.“

Helmingur af sjónvarpsviðræðum þeirra Merkel og Schulz fór í að ...
Helmingur af sjónvarpsviðræðum þeirra Merkel og Schulz fór í að ræða innflytjendamál. Það mál hefur annars lítið sem ekkert borið á góma í kosningabaráttunni. AFP

Aslan segir þetta að hluta til vegna þess að Schulz eigi erfitt með að gagnrýna Merkel eftir langan tíma jafnaðarmanna og kristilegra demókrata í stjórn saman.

Þá hafi innflytjendamálin og sá vandi sem miklum fjölda flóttamanna hefur fylgt, heldur varla komið upp. Það var áberandi að innflytjendamálin tóku yfir helming sjónvarpskappræðna þeirra Merkel og Schulz um helgina, en annars sé málið lítið rætt. „Það vita allir að það þarf að gera eitthvað og að þetta muni reynast þýsku þjóðinni og flóttamönnunum sem þurfa að aðlagast erfitt. Það er hins vegar eins og það sé þegjandi samkomulag um að ræða þetta ekki, til þess að auka ekki styrk AfD.“

Vísar Aslan þar til hægri öfgaflokksins AfD sem hefur komið mönnum á þing víða í þýsku sambandsríkjunum eftir að Merkel opnaði landamæri Þýskalands fyrir flóttamönnum 2015.

Byrjaði sem and-Evrópuhreyfing

„Þetta er áhugaverð hreyfing og það er erfitt að muna að hún byrjaði ekki sem hreyfing útlendingahaturs, heldur sem and-Evrópu hreyfing,“ segir Aslan. Upphaflegir fylgismenn hafi viljað Þýskaland úr ESB, en nú hafi flokkurinn breyst og þá sé baráttuefnið það eitt að losna við flóttamenn.

AfD hefur víða náð góðri stöðu í þýsku sambandsríkjunum og segir Aslan það munu koma á óvart takist flokkinum ekki að koma mönnum á Sambandsþingið líka.

„Innflytjendavandinn verður engu að síður áfram ráðandi eftir 24. september. Það er ekki búið að leysa vandann og stríðið í Sýrlandi er enn í gangi, þó að maður skilji alveg að margir kjósi að horfa framhjá vandanum.“ Aslan bendir þá á að vandinn einskorðist ekki við Sýrland. „Sómalía, Súdan og Líbýa eru önnur dæmi um lönd sem fólk er að reyna að flýja og flestir þeirra munu reyna að komast til Evrópu.“ 

Halda sig við það sem þeir þekkja

Aslan bendir einnig á að Þjóðverjar séu ekki mikið fyrir breytingar og þess vegna fari Merkel væntanlega með sigur af hólmi. „Í Bandaríkjunum þar vinnur maður með loforði um breytingar. Í Þýskalandi taparðu með slíkum loforðum.“

Félagar í hægriöfgaflokkinum AfD mótmæla fyrir utan kosningafund Merkel í ...
Félagar í hægriöfgaflokkinum AfD mótmæla fyrir utan kosningafund Merkel í Torgau. AFP

Þjóðverjar haldi sig frekar við það sem þeir þekki. „Við héldum okkur meira að segja við Helmut Kohl sem kanslara í fjögur kjörtímabil,“ bætir hann við og glottir. Vinsældir Merkels séu þó vissulega minni eftir að hún opnaði landamæri Þýskalands fyrir flóttamönnum, því það séu ekki allir sáttir við þá ákvörðun hennar.

„Þegar öllu er hins vegar á botninn hvolft, þá verður líka að horfa til skrýtna kallsins í Hvíta húsinu, Brexit og vanda Frakka. Þjóðverjar sjá að Merkel nýtur virðingar og að hún er sögð valdamesta kona heims og einn valdamesti leiðtogi heims.“ 

Hann segir leiðtogahlutverkið sem alþjóðasamfélagið spyrðir nú reglulega við Þýskaland hins vegar ekki þykja eftirsóknarvert af Þjóðverjum, enda fari lítið fyrir utanríkisstefnu í kosningabaráttunni.

„Sagan er aldrei langt í burtu og hún hefur áhrif og útskýrir tregðu Þjóðverja til að taka við hlutverkinu,“ segir Aslan. Í nýlegri skoðanakönnun hafi til að mynda aðeins 37% aðspurðra svarað því játandi að þeir vildu að Þýskaland væri virkara í þessum efnum.

Svæfir fólk enn í sjónvarpsviðtölum

Aslan segir Merkel þó fjarri því að vera gallalausa og hún sé til að mynda ekki mælskur kandídat. „Eftir þrjú kjörtímabil þá svæfir hún enn fólk í sjónvarpsviðtölum,“ segir Aslan. „En hún er stöðugur klettur innan um hafsjó vitleysinga og þetta kunna Þjóðverjar að meta. Þeir vita að þrátt fyrir ögranir Rússa, Bandaríkjanna og Tyrklands þá mun Merkel halda sinni stefnu.“

Að sínu mati þurfi því eitthvað mikið að gerast til að Merkel verði ekki kanslari næstu fjögur árin.

Angela Merkel Þýskalandskanslari. Aslan segir hana ekki telja sjálfa sig ...
Angela Merkel Þýskalandskanslari. Aslan segir hana ekki telja sjálfa sig ómissandi, en að betra sé þó að hún sitji áfram á þessum óvissutímum. AFP

Hann segir Merkel þó ekki ónæma fyrir vilja kjósenda og að hún sé kona sem hafi reynsluna af Helmut Kohl. „Ég held ekki að hún telji sig ómissandi, en ég held að hugarfar hennar sé að á þessum erfiðu tímum, þá sé betra að hún sitji áfram.“

Aslan bendir á að enginn augljós arftaki sé heldur fyrir hendi hjá Kristilega demókrataflokkinum, enda myndist oft tómarúm er sterkur leiðtogi situr þetta lengi við völd.

Ekki sami flokkur og Merkel tók við

Merkel hafi líka breytt flokknum sem sé í raun annar flokkkur en 2005 þegar hún tók við. „Merkel er heldur ekki í takt við flokkinn í mörgum málum. Hún er að mörgu leyti opnari og frjálslyndari,“ segir hann og bendir að kjarni kristilegra demókrata komi úr kaþólsku og íhaldssömu umhverfi Suður-Þýskalands.

Merkel hafi líka gert flokkinn opnari og frjálslyndari. Enda sé hún hugmyndafræðilega mjög sveigjanleg, mögulega vegna sinnar austur-þýsku fortíðar. „Hún hefur ekki þá sannfæringu sem hún er ekki tilbúin að víkja frá og ég tel þennan skort á fastri sannfæringu vinna með henni.

Merkel og Trump gætu ekki verið ólíkari, en þau eiga það sameiginlegt að hafa tekið yfir eigin flokki með vinsældum sínum. Þau ráða af því að þau voru kosinn,“ segir Aslan og bendir á að þó að margir af íhaldssamari flokksfélögum CDU séu ekki sammála Merkel þá muni þeir ekki fórna flokknum með því að slátra mjólkurkúnni.

mbl.is

Bloggað um fréttina

Innlent »

Umdeildur sjónvarpsdoktor

20:09 Dr. Phil, fullu nafni Phillip Calvin McGraw, er einhver frægasti sjónvarpsmaður samtímans og orðinn einn sá auðugasti eftir um tvo áratugi í bransanum. Um árabil hafa Íslendingar getað fylgst með þessum sköllótta „besservisser“ með yfirskeggið veita gestum sínum misdjúp hollráð, núna í Sjónvarpi Símans. Slagorð þáttarins er: „Öruggur staður til að ræða erfið mál“. Meira »

Segir farið í manninn en ekki boltann

19:26 Bragi Guðbrandsson, forstjóri Barnaverndarstofu, tengir ásakanir barnaverndar á höfuðborgarsvæðinu við hugsanlega áminningu og segir að það sé farið í manninn en ekki boltann. Meira »

Þéttur éljagangur í kvöld

18:44 „Veðrið nær hámarki núna næstu eina til tvær klukkustundirnar og verður þannig í kvöld og fram á nóttina,“ segir Teitur Arason, veðurfræðingur á Veðurstofu Íslands. Hann segir að veðrið gangi smám saman niður á morgun. Meira »

Textar Cohens henta kirkjum

18:36 „Ég heillaðist af boðskapnum í lögum Leonards Cohens fyrir 10 árum. Cohen dó fyrir ári og mér fannst tilvalið að heiðra tónlist hans og textasmíð í sérstakri Cohen-messu,“ segir Keith Reed, starfandi tónlistarstjóri Ástjarnarkirkju fram á næsta vor Meira »

Opna ekki aftur fyrir 1. desember

18:29 Zúistar hyggjast ekki opna aftur fyrir endurgreiðslu sóknargjalda áður en frestur til að skipta um trúfélag, vegna sóknargjalda næsta árs, rennur út. Þetta má lesa úr svari Ágústs Arnars Ágústssonar, forstöðumanns Zuism á Íslandi. Hann segir „ólíkleg að niðurstaða um að opna aftur komi fyrir 1.des.“ Meira »

Loka Fóðurblöndunni á Egilsstöðum

17:56 Verslun Fóðurblöndunnar á Egilsstöðum verður lokað um mánaðamótin. Ákvörðunin var tekin í kjölfar nokkurra ára tapreksturs.   Meira »

„Alvarlegt tjón fyrir samfélagið“

17:14 Bæjarstórn Stykkishólmsbæjar skorar á Sæferðir og Eimskip að leita leiða til að hraða viðgerð á ferjunni Baldri eða finna annað skip til að sigla um Breiðafjörð. Fram hefur komið að ferjan Baldur verður í viðgerð næstu vikurnar. Meira »

Ferðir féllu niður í dag

17:21 „Í gær urðu verulegar tafir og í dag voru felldar niður ferðir,“ segir Ólafur William Hand, upplýsingafulltrúi Eimskips, um áhrif óveðursins á vöruflutninga fyrirtækisins. Bíll frá Flytjanda, fór út af veginum í Bólstaðarhlíðarbrekku í gær. Meira »

Báðar stúlkurnar með meðvitund

16:47 Unglingsstúlkurnar tvær sem fundust meðvitundarlausar í miðbænum í gærkvöldi eru komnar til meðvitundar. Lögreglan hefur rætt stuttlega við aðra stúlkun en ekki hina. Guðmundur Páll Jónsson lögreglufulltrúi staðfestir þetta í samtali við mbl.is. Meira »

Tékklistar og hagnýt húsráð

16:30 Heima er fyrsta bók Sólrúnar og er hún uppfull af gagnlegum ráðum sem einfalt er að tileinka sér. Í bókinni tekur hún fyrir helstu þætti heimilisins og kennir skilvirkar aðferðir til að halda því hreinu og fallegu án mikillar fyrirhafnar. Meira »

Gæti orðið öflug atvinnugrein

15:54 Félag skógareigenda á Suðurlandi hyggst á morgun kynna niðurstöður af vinnu síðustu mánaða við að kanna grundvöll fyrir því að koma á fót vinnslu skógarafurða úr sunnlenskum skógum. Meira »

Aðskotahlutur olli rafmagnsleysinu

15:42 Orsök rafmangsleysisins sem varð á Austurlandi í kringum miðnætti í gær virðist vera sú að aðskotahlutur hafi fokið á teinrofa í tengivirki fyrir Eyvindarárlínu 1. Meira »

Mjög dregið úr brottkasti

15:08 Mjög hefur dregið úr brottkasti á liðnum árum segir Þorgerður Katrín Gunnarsdóttir, sjávarútvegs- og landbúnaðarráðherra, á Facebook-síðu sinni. Vísar hún þar til funda sem hún hefur átt í kjölfar umfjöllunar fréttaskýringaþáttarins Kveiks um brottkast og vigtunarmál með ráðuneytisstarfsmönnum, forstjóra Hafrannsóknastofnunar og Fiskistofu þar sem fram hafi komið að allar rannsóknir bentu til þess að dregið hafi mjög úr. Meira »

Flýði lögregluna og ók á hús

14:38 Karlmaður á þrítugsaldri missti stjórn á bifreið sinni þegar hann reyndi að flýja lögregluna og ók á gamla Austurbæjarbíó í Reykjavík. Ökumaðurinn og farþegi voru í kjölfarið handteknir. Grunur var um að ökumaðurinn væri undir stýri eftir að hafa verið sviptur ökuréttindum. Meira »

Mál Aldísar verður endurflutt

14:30 Endurflytja þarf mál Aldísar Hilmarsdóttur gegn ríkinu fyrir Héraðsdómi Reykjavíkur. Ástæðan er sú að dómur hefur ekki verið kveðinn upp í málinu átta vikum eftir að aðalmeðferð lauk. Meira »

Holtavörðuheiði gæti opnast síðar í dag

15:07 Búist er við því að Holtavörðuheiði verði opnuð síðar í dag. Reiknað er með því að Öxnadalsheiði verði ekki opnuð fyrr en í fyrramálið. Fjallvegir á Norðausturlandi verða líklega ekki opnaðir fyrr en líður á morguninn en samkvæmt veðurspá mun veðrið ekki ganga niður að ráði fyrr en með morgni. Meira »

Krafa um 300 milljónir „fráleit“

14:34 „Krafa gerðarþola um 300 milljón króna tryggingu er fráleit,“ segir Lúðvík Örn Steinarsson, lögmaður eigenda meirihluta eigna í húsnæði við Bíldshöfða 18. Sýslumaðurinn á höfuðborgarsvæðinu féllst í morgun á að setja lögbann á fyrirhugað gistiskýli Útlendingastofnunar. Meira »

Kom blóðugur inn í íbúðina

14:07 Karlmaður á fimmtugsaldri var dæmdur í þriggja mánaða óskilorðsbundið fangelsi á þriðjudaginn í Héraðsdómi Vesturlands og til greiðslu miskabóta fyrir húsbrot, líkamsárás og fyrir að hafa „sýnt af sér ógnandi og vanvirðandi háttsemi gagnvart tveimur börnum húsráðenda og valda þeim mikilli hræðslu og andlegu áfalli“. Meira »

Frá Sýrlandi til Evrópu - Greinaflokkur

Hleðslutæki fyrir Li-ion Ni-Mh-og fleira
Hleður og afhleður Lion, LiPo, LiFe (A123), Pb, (Lead Acid) NiCd, NiMH rafhlöður...
VÖNDUÐ VEL BÚIN KENNSLUBIFREIÐ
Vönduð, vel búin kennslubifreið Subaru XV 4WD . Akstursmat og endurtökupróf. Gyl...
R108 Rúmgóð, falleg 3 herb. m.húsgögnum
Rúmgóð og falleg 3 herbergja íbúð í Stóragerði til leigu frá janúar 2018. Leigis...
 
Eldri borgarar
Staður og stund
Aflagrandi 40 Opin vinnustofa kl. 9 og g...
Framhald
Nauðungarsala
Uppboð Einnig birt á www.naudungarsolu...
L edda 6017112119 i h&v
Félagsstarf
? EDDA 6017112119 I H&V; Mynd af augl...
Samþykkt breyting á deiliskipulagi
Tilkynningar
Samþykkt breyting á deiliskipulagi Da...