Sjö einstaklingar hafa verið handteknir í tengslum við frelsissviptingu og líkamsmeiðingar aðfaranótt þriðjudag á Akureyri sem leiddi til þess að karlmaður á fimmtugsaldri var lagður inn á sjúkrahúsið á Akureyri.
Þetta staðfestir lögreglan á Norðurlandi eystra í samtali við mbl.is. Maðurinn mun vera rifbeinsbrotinn og illa leikinn.
Í gær voru fjórir úrskurðaðir í gæsluvarðhald í Héraðsdómi Norðurlands eystra. Þar af var ein kona og þrír karlmenn. Karlmaður og kona eru enn í haldi en einum manni hefur verið sleppt.
Hin grunuðu hafa öll komið við sögu lögreglu en ekki var hægt að gefa meira upp um atburðarás málsins að svo stöddu.