Mældu sótspor tegundanna í Vínbúðunum

Þyngdin á vínflöskunni getur haft áhrif á hversu umhverfisvæn framleiðslan ...
Þyngdin á vínflöskunni getur haft áhrif á hversu umhverfisvæn framleiðslan er. mbl.i.s/Heiðar Kristjánsson

Eldsneytisbrennsla og loftslagsbreytingar eru þeir mengunarþættir sem vega þyngst í framleiðslu á áfengum drykkjum. Notkun á glerumbúðum undir vín og bjór er heldur ekki jákvæð, þó það geti skipt máli hversu þungar glerflöskurnar eru. Nýi heimurinn stendur sig þó betur en sá gamli í þessum efnum og hafa framleiðendur þar sýnt sig mun meðvitaðri um umhverfisáhrifin af framleiðslunni.

Þetta segir Sigurpáll Ingibergsson, gæðastjóri ÁTVR, en norrænu áfengiseinkasölurnar sameinuðust árið 2014 um að láta útbúa vistferilsgreiningu á áfengum drykkjum. Tilgangur rannsóknarinnar var að skrá heildarumhverfisáhrif allra áfengistegunda sem eru í sölu hjá norrænu áfengiseinkasölunum.

Sigurpáll Ingibergsson, gæðastjóri ÁTVR, Vistferilsgreiningin gerir starf ÁTVR markvissara að ...
Sigurpáll Ingibergsson, gæðastjóri ÁTVR, Vistferilsgreiningin gerir starf ÁTVR markvissara að hans sögn. „Þá vitum við hvar stærstu umhverfisáhrifin liggja og getum þá einbeitt okkur að stóra málinu, sem eru umbúðirnar og þá aðallega glerið,“ Ljósmynd/Reykjavíkurborg

Í vistferilsgreiningunni eru tilgreindir níu umhverfisáhrifaflokkar: áhrif á öndunarfæri (öndun ólífrænna og lífrænna efna),  hnattræn hlýnun, upptaka náttúru, visteitrun í jörðu og vatni, ofauðgun í jörðu, ljósefnafræðilegt óson, ofauðgun í vatni, súrnun og vinnsla jarðefna.

Umbúðir vega þungt hjá léttvíni en framleiðsla og geymsla hjá sterku drykkjunum

Fæstir leiða væntanlega hugann að kolefnissporinu sem að vínglasið eða bjórflaskan sem þeir dreypa á skilur eftir sig og kemur væntanlega einhverjum á óvart hversu stórt hlutverk eldsneytisbrennslan leikur þar, jafnvel þó að áhrifaþættirnir vegi misjafnlega þungt eftir áfengisgerðum.

Þannig vegur landbúnaður og umbúðaframleiðsla þyngst í tilfelli léttvína og bjórs, þó að framleiðsla og geymsla séu einnig veigamiklir þættir varðandi bjórframleiðsluna. Framleiðsla og geymsla eru hins vegar áberandi þyngstu þættirnir hvað sterku drykkina varðar, þó að landbúnaður og umbúðaframleiðsla eigi þar einnig þátt að máli. Sigurpáll bendir á að raforkan sem notuð sé við framleiðsluna sé yfirleitt drifin áfram af jarðefnaeldsneyti á borð við kol og olíu sem hafi umtalsverð áhrif.

Þessi vistferilsgreining gerir starf ÁTVR markvissara að sögn Sigurpáls. „Þá vitum við hvar stærstu umhverfisáhrifin liggja og getum einbeitt okkur að stóra málinu, sem eru umbúðirnar og þá aðallega glerið,“ útskýrir hann. „Það sem við þurfum síðan að gera og munum vera að gera næstu árin er að upplýsa framleiðendur og svo neytendur.“

Þyrfti að nýta hverja glerflösku 20 sinnum

Áhrif glersins koma eflaust einhverjum á óvart, enda plastefni og ál meira verið í umræðunni. Sigurpáll segir að glerumbúðirnar væru vissulega mjög góðar, ef að þær væru endurnýttar. „Ég hef séð rannsóknir sem sýna að það þyrfti að nýta glerflöskuna 20 sinnum til þess að ná sömu umhverfisáhrifum og með fernur, plast- eða áldósir.“

Sigurpáll segir ríki á borð við Suður-Afríku og Ástralíu, vera farin að átta sig á þessum áhrifum og því séu ýmsir framleiðendur þar nú byrjaðir að nýta léttari glerflöskur og miði nú við að flöskur sem taka 750 ml vegi ekki meira en 420 g.

 „Með því að minnka þyngd glersins þá þarf minna efni í framleiðsluna og minni orku til að búa flöskuna til, sem sömuleiðis verður léttari í flutningum,“ útskýrir hann. „Nýi heimurinn er meðvitaðri um þetta en sá gamli og við ætlum að fara að fylgjast með því hversu  mikið af þeim flöskum sem eru í hvað mestri sölu munu koma til með að uppfylla þessi viðmið.“

Ætla ekki að kaupa þungu flöskuna aftur

Sigurpáll segir ákveðinn hóp íslenskra neytenda þegar vera meðvitaða um þetta. Þannig séu dæmi um að viðskiptavinir Vínbúðanna hafi sett sig í samband við starfsfólk eftir að hafa vegið vínflösku og komist að því að 750 ml flaska vegi jafnvel 1,5 kg. „Þegar fólk áttar sig á þessu þá hefur það jafnvel tilkynnt okkur að það ætli ekki að kaupa þetta vín framar.“

Spurður hvort ÁTVR hafi hug á að kynna betur hvaða vörur teljist umhverfisvænar, segir hann fyrirtækinu þeir annmarkar settir að það megi ekki hampa neinum einum frekar en öðrum út frá hlutleysissjónarmiðum. „Það sem við getum gert er að upplýsa, en síðan á neytandinn alltaf síðasta orðið. Við getum þó birt brúttóþyngd flöskunnar á vefsíðu okkar og þá getur neytandinn séð þetta þar.“

Sigurpáll bendir þó á að lífrænu vínin séu sérstaklega tilgreind í verslunum Vínbúðanna og að það sé stefna allra vínframleiðenda að vera komnir með lífræna framleiðslu árið 2030.

Forsvarsmenn ÁTVR hafa verið að rýna í skýrsluna frá því að hún kom út í sumar og verið er að útbúa samræmda áætlun fyrir næstu ár um það hvernig málinu verður fylgt eftir. Sigurpáll segir athyglinni þá einkum verða beint að þeim vörum sem seljast í hvað mestu magni, enda hafi þær hvað mest áhrif.

„Nokkur ríki, eins og til að mynda Kanada, hafa verið leiðandi í þessum efnum. Þeir hafa sett þá staðla að ódýrari vín, þ.e. vín sem kostar til að mynda undir 15-20 dollurum flaskan, megi ekki vera í flösku sem er þyngri en 420 g og þegar svona stórir aðilar fara af stað,  þá hefur það áhrif á markaðinn.“

mbl.is

Bloggað um fréttina

Innlent »

Hafþór Eide aðstoðarmaður Lilju

13:02 Hafþór Eide Hafþórsson hefur verið ráðinn aðstoðarmaður Lilju Alfreðsdóttur, mennta- og menningarmálaráðherra.   Meira »

Búið að bera kennsl á líkið

12:52 Lögregla hefur borið kennsl á lík manns sem fannst í Foss­vog­in­um um fjög­ur­leytið í fyrradag. Margeir Sveinsson aðstoðaryfirlögregluþjónn staðfestir það í samtali við mbl.is en maðurinn var Íslendingur á fertugsaldri. Meira »

Úreltur tölvubúnaður rannsóknarskipa

12:47 Tölvubúnaður hafrannsóknaskipsins Árna Friðrikssonar er orðinn nærri 20 ára gamall og er framleiðandinn hættur þjónustu á búnaðinum. Ef búnaðurinn bregst er skipið ónothæft í langan tíma og ógnar þetta rekstraröryggi skipsins. Meira »

300 milljónum meira til Gæslunnar

12:41 Áætlað er að veita rúmum 4,3 milljörðum króna til Landhelgisgæslu Íslands vegna málefna landhelginnar. Framlögin hækka um 307,9 milljónir króna frá gildandi fjárlögum. Meira »

Telur almenning illa svikinn

12:28 Samfylkingin gagnrýnir harðlega fjárlagafrumvarp ríkisstjórnar Katrínar Jakobsdóttur. Sé þetta fjárlagafrumvarp borið saman við fjárlagafrumvarpið sem sú ríkisstjórn sem sprakk í haust lagði fram, kemur í ljós að einungis er gerð 2% breyting á útgjöldum ríkisins. Meira »

298 milljónir vegna kynferðisbrota

12:19 Alls verður 298 milljónum króna veitt til innleiðingar aðgerðaráætlunar um úrbætur í meðferð kynferðisbrota, samkvæmt fjárlögunum. Meira »

BL innkallar Range Rover

11:47 BL hefur innkallað 18 bifreiðar af gerðinni Range Rover og Range Rover Sport, árgerð 2017. Ástæða innköllunar er sú að skyndilega getur slökknað á mælaborðinu. Þegar þetta gerist koma engar upplýsingar fram í mælaborðinu en það kviknar á því aftur í akstri. Meira »

Hámark afsláttar lækkar um 250 þúsund

11:55 Uppi eru áform um að afnema afslátt bílaleiga af vörugjöldum á ökutæki umfram það sem gildir um fólksbifreiðar almennt, að því er segir í nýjum fjárlögum. Hámark ívilnunar á hvern bíl mun lækka úr 500 þúsund krónur í 250 þúsund í ársbyrjun 2018 Meira »

Hagkaup innkallar mjúkdýr

11:44 Hagkaup hefur innkallað marglita Ty-mjúkdýr sem líta út eins og púðluhundur. Komið hefur fram galli í saumum á Ty-mjúkdýrinu samanber mynd. Gallinn getur valdið því að fóður „fylling“ getur losnað úr leikfanginu og valdið skaða Meira »

Skoða aðrar leiðir til gjaldtöku

11:38 Áform um tilfærslu ferðaþjónustutengdrar starfsemi úr neðra þrepi virðisaukaskatts í almenna þrepið, sem voru kynnt í fjármálaáætluninni verða lögð til hliðar, samkvæmt nýjum fjárlögum. Meira »

Ríkisstjórnin samþykkir NPA-frumvörp

11:31 Ásmundur Einar Daðason, félags- og jafnréttismálaráðherra, mun á næstu dögum leggja fyrir Alþingi frumvörp um lögfestingu notendastýrðrar persónulegrar aðstoðar (NPA) við fatlað fólk. Ríkisstjórnin samþykkti tillögu hans þessa efnis á fundi sínum í gær. Meira »

Ævar Þór á rússnesku

11:25 Ævar Þór Benediktsson hefur skrifað undir útgáfusamning við forlag í Rússlandi um útgáfu allra fjögurra bóka sinna úr barnabókaflokknum Þín eigin-bækur á rússnesku. Meira »

Óvissa um fjölda umsækjenda um vernd

11:20 Mikil óvissa er um fjölda umsækjenda um vernd á næsta ári en gera má ráð fyrir fjölgun bæði tilhæfulausra umsókna um vernd og einnig umsókna þar sem tilvik eru flóknari, að því er kemur fram í fjárlagafrumvarpi fyrir næsta ár. Meira »

Orri Páll og Sif aðstoða Guðmund Inga

11:05 Orri Páll Jóhannsson og Sif Konráðsdóttir hafa verið ráðin aðstoðarmenn Guðmundar Inga Guðbrandssonar, umhverfis- og auðlindaráðherra. Þau hefja störf á næstu dögum. Meira »

Fjárveiting til forsætisráðuneytis hækkar um hálfan milljarð

10:23 Heildarfjárheimild til forsætisráðuneytisins fyrir árið 2018 er áætluð 1.560 milljónir króna og hækkar um 493,6 milljónir frá gildandi fjárlögum að frátöldum almennum launa- og verðlagsbreytingum. Meira »

Hálfum milljarði meira til Landsréttar

11:10 Alls verður 681 milljón króna varið til Landsréttar á árinu 2018, samkvæmt nýjum fjárlögum. Landsréttur tekur til starfa um næstu áramót. Meira »

Minnast Klevis Sula

10:34 Minningarathöfn verður haldin í minningu Klevis Sula á sunnudaginn klukkan 17.00 við tjörnina í Reykjavík. Klevis lést 8. desember eftir að hafa verið stunginn með hníf á Austurvelli aðfaranótt sunnudagsins 3. desember. Meira »

Aukin framlög til vegakerfisins

10:20 Framlag til framkvæmda og viðhalds á vegakerfinu hækkar um 1.388 milljónir frá gildandi fjárlögum, að því er kemur fram í nýjum fjárlögum fyrir árið 2018. Meira »

Börnin sem kerfið gleymdi

Rexton 2016. Á frábæru verði 3,990,000-
Vorum að fá inn SSangyong Rexton 2016 ekinn 50þús km, sjálfskiptur. Bíll byggðu...
fjórir stálstál-stólar nýtt áklæði.þessir gömlu góðu sími 869-2798
er með fjóra nýklædda stálstóla þessa gömlu góðu á 40,000 kr sími 869-2798...
Skrifstofuhúsnæði Bolholti 4
Til leigu er skrifstofurými, alls um 110 fermetrar, í austurenda á 5. og efstu ...
Gjafabréf á ljósmyndanámskeið
Hægt er að kaupa gjafabréf á öll námskeið á rafrænu formi hjá ljosmyndari.is ...
 
Kröflulína
Tilkynningar
Mynd af auglýsingu ...
Félagsstarf
Staður og stund
Aflagrandi 40 Opin vinnustofa kl 9, fore...
Land til sölu
Til leigu
Land til sölu Til sölu eða leigu 4,6 h...
Onik 2017 20 skýli fyrir hleðslustöðvar
Tilboð - útboð
/ 14.12.2017 Útboð Orka náttúrunn...