Vegabréfsáritanir hugsanlegt úrræði

Bjarni Benediktsson á fundinum í hádeginu.
Bjarni Benediktsson á fundinum í hádeginu. mbl.is/Kristinn Magnússon

Ekki er útilokað að fólk fái ekki að koma til Íslands nema það hafi vegabréfsáritanir. Þetta sagði Bjarni Benediktsson, forsætisráðherra og formaður Sjálfstæðisflokksins, á fundi Samtaka eldri sjálfstæðismanna í Valhöll í dag, þar sem hann var spurður út í málefni hælisleitenda.

Frétt mbl.is: Hækkun í 300 þúsund „stórkostlegt afrek“

„Það er ekki hægt að útiloka að straumur fólks til Íslands vegna einhverrar þróunar jafnvel aukist frá því sem hefur verið í dag. Eitt af því sem önnur lönd hafa gert til að bregðast við er að taka upp áritanir, að fólk fái ekki að koma til lands nema að vera með áritanir. Það kann að vera á einhverjum tímapunkti að einhver slík úrræði þurfi að koma til skoðunar,“ sagði Bjarni.

Þannig verði hægt að taka á móti fólki sem á rétt á því en hægt að vísa þeim frá sem eiga ekki rétt á að fá stöðu hælisleitenda.

Kostnaðurinn rokið upp

Bjarni var spurður að því hvort rétt sé að eyða sjö milljörðum króna í hælisleitendur sem hafi það „töluvert betra“ en fólk sem býr til dæmis í tjaldi í Laugardalnum.

Þar var spyrjandinn væntanlega að vitna í skýrslu utanríkisráðuneytisins þar sem kemur fram að framlög til alþjóðlegrar þróunarsamvinnu Íslands á síðasta ári námu 7,1 milljarði króna. 26% af þeirri upphæð fóru í málefni flóttamanna og hælisleitenda.

Sigríður Á. Andersen greindi frá því í samtali við mbl.is á dögunum að vinna við umsóknir hælisleitenda hafi kostað um 2,5 milljarða króna á síðara ári. 

Frétt mbl.is: Framfærslan talin aðdráttarafl

Brottvísun Mary,Han­iye og fjölskyldna þeirra var mótmælt á Austurvelli um ...
Brottvísun Mary,Han­iye og fjölskyldna þeirra var mótmælt á Austurvelli um síðustu helgi. Samsett mynd

„Við veljum okkur ekki að vera í þeirri stöðu að fá til okkar hælisleitendur. Þetta er ástand sem hefur skapast í heiminum og ef eitthvað er getum við þakkað fyrir að vera eyja norður í höfum með nokkuð mikinn frið í næsta nágrenni,“ svaraði Bjarni.

Hann sagði kostnaðinn við móttöku hælisleitenda hafa rokið upp. „Það sem við höfum lært er að það borgar sig að stórefla stjórnsýsluna, þannig að niðurstaða fáist í þau mál sem allra fyrst. Það er mannréttindamál að fá svar strax,“ sagði hann og nefndi að stórauknir fjármunir hafi farið í að tryggja úrræði fyrir hælisleitendur og að efla kærunefndir stofnunarinnar. „Mér finnst erfitt að horfa á þessum miklu fjármunum sem fara í þetta mál."

Ekki óvopnuð í Víðines

Ráðherra bætti við að því miður hafi reynst vandi að tryggja úrræðin og nefndi sem dæmi að lögreglan fari ekki óvopnuð í Víðines þar sem margt af fólkinu bíði sinna mála. Mikilvægt væri að mannúðarsjónarmið og mannréttindi fólksins séu virt.

Leggja hönd á plóginn 

Að sögn Bjarna verða áfram settir fjármunir í flóttamannabúðir til að aðstoða við að fæða og klæða flóttamenn, auk þess sem fjármunir fara í flóttamannaaðstoð. „Mér finnst að við eigum ekki að horfa á þetta sem vandamál annarra. Við þurfum að taka þátt í því að leggja hönd á plóginn,“ sagði hann og vill beita sömu aðferðum og nágrannaþjóðirnar hafa gert. 

Þór Whitehead, til vinstri, á ráðstefnu á síðasta ári.
Þór Whitehead, til vinstri, á ráðstefnu á síðasta ári. mbl.is/Árni Sæberg

Sagði Sjálfstæðisflokkinn á bak við „hælisleitendastrauminn“

Þór Whitehead, sagnfræðingur, steig fram og sagði að „hælisleitendastraumurinn“ stafi að stórum hluta af ákvörðun fyrrverandi innanríkisráðherra Sjálfstæðisflokksins um að afturkalla ákvörðun Útlendingastofnunar um að neita fjölskyldu frá Albaníu landvist. Fiskisagan hafi flogið um að Íslendingar væru reiðubúnir að opna sitt land,. „Í þessum löndum ríkir engin neyð. Þessi ákvörðun er ákvörðun Sjálfstæðisflokksins. Hún hefur ýtt undir þennan straum sem er að kosta ríkisstjórnina 7 milljarða,“ sagði Þór og bætti við að „því miður“ hafi í tíð Bjarna bæði Icesave-málið og ESB-málið skaðað Sjálfstæðisflokkinn. „Ég óttast að haldi flokkurinn áfram á þessari braut skaði hann þjóðina og sjálfan sig,“ bætti hann við.

Frétt mbl.is: Vilja drengina aftur til landsins

Frétt mbl.is: Albönsku fjölskyldurnar koma á þriðjudag

Milljón flóttamenn möguleiki

„Ég er sammála þér. Það var slæm ráðstöfun að fara ríkisborgaraleiðina í Albaníumálinu. Það má kannski segja að við höfum með einhverjum hætti misst stjórn á því máli sem endaði svona,“ svaraði Bjarni en sagði það ekki meginorsökina fyrir auknum straumi hælisleitenda frá Albaníu því hann hafi þegar verið orðinn mjög mikill.

„Ég er þeirrar skoðunar að við þurfum að vera með mjög strangar reglur og skýr svör, ella munum við kalla yfir okkur bylgjur af nýjum flóttamönnum,“ sagði hann og benti á að engin trygging sé fyrir því að „við fáum ekki yfir okkur milljón flóttamenn“ ef hælisleitendur lúti ekki ströngum reglum.

Hann tók fram að hann vilji ekki setja sig í flokk með þeim sem vilji kalla yfir Ísland þjóðfélagsbreytingar til að leysa einhvers konar flóttamannavanda.

„Galopin“ landamæri fyrir 500 milljónum

Þór spurði Bjarna hvort ákvörðun stjórnvalda um að taka við 100 flóttamönnum á ári fyrir utan hælisleitendur næstu fimm árin hafi ekki verið ákvörðun Sjálfstæðisflokksins.

„Þetta er tímabundin ákvörðun,“ svaraði Bjarni og sagði að í þessu tilviki hafi stjórnvöld stjórn á hverju einasta tilfelli. Fólk sem fari eftir þessari leið eigi möguleika á að skjóta rótum á Íslandi.

„Ég hef ekki áhyggjur, svo lengi sem menn vandi sig við undirbúning við móttöku á slíku fólki. Við tókum ákvörðun á sínum tíma að galopna landamælin fyrir 500 milljóna markaði. Það eru opin landamæri fyrir 500 milljónir manna til að koma hingað. Það hefur ekki kallað yfir okkur þann vanda sem svartsýnir menn töldu.“

Bjarni lauk máli sínu með því að nefna að Íslendingar hafi fengið vinnuafl erlendis frá þegar skortur hefur verið á því og að vinnuafl hafi líka farið frá landinu þegar þörf hefur verið á því.

mbl.is

Bloggað um fréttina

Innlent »

Íslandsdvölin tók óvænta stefnu

14:11 Spánverjinn Carlos Sanchis Collado hefur frá því í byrjun september ferðast hringinn í kringum landið í hjólastól sem er bæði handknúinn og rafmagnsknúinn. Bróðir Carlos slóst með í för en þeir komust hins vegar í hann krappann í Skaftafelli í vikunni þar sem framhjól á stóli Carlos brotnaði. Meira »

Barði móður sína með hillubút

14:00 28 ára gamall karlmaður var í dag dæmdur til sex mánaða fangelsisvistar fyrir alvarlega líkamsárás á móður sína. Árásin var framin á heimili hennar og hlaut hún umtalsverða áverka af. Hann var dæmdur til greiða móður sinni 800 þúsund krónur í miskabætur auk um 560 þúsund króna í sakarkostnað. Meira »

Telur ekki tilefni til athugunar

13:18 Tryggvi Gunnarsson, umboðsmaður Alþingis, telur ekki tilefni til þess að embætti hans taki embættisfærslur ráðherra í tengslum við að dómsmálaráðherra tjáði forsætisráðherra að faðir hans hefði skrifað undir meðmæli fyrir einstakling sem sótti um uppreist æru, til athugunar að eigin frumkvæði. Meira »

Mikill og útbreiddur misskilningur

12:14 Utanríkisráðherra boðaði sendiherra erlendra ríkja á Íslandi á sinn fund í utanríkisráðuneytinu í dag og upplýsti þá um stöðuna sem uppi er í stjórnmálum hér á landi. „Við höfum orðið vör við mikinn og útbreiddan misskilning hjá alþjóðlegum fjölmiðlum um tildrög stjórnarslitanna.“ Meira »

„Þá fallast manni hendur“

11:50 „Stjórnmálin hafa um margra ára skeið skort tiltrú meðal almennings. Við stjórnmálamenn verðum að líta í eigin barm og gera allt sem í okkar valdi stendur til að endurheimta það traust sem verður að ríkja til að lýðræðið þrífist. Hér er ég ekki að tala um stuðning við tiltekna stefnu, heldur almennt traust á að þrátt fyrir ólíkar skoðanir sé unnið heiðarlega.“ Meira »

Undir trénu Óskarsframlag Íslands

11:34 Kvikmyndin Undir trénu í leikstjórn Hafsteins Gunnars Sigurðssonar verður framlag Íslands til Óskarsverðlaunanna 2018. Meira »

Margrét ráðin til Geðhjálpar

11:10 Margrét Marteinsdóttir hefur verið ráðin sem kynninga– og viðburðarstjóri hjá landssamtökunum Geðhjálp.  Meira »

Vængur rakst í skrokk vélarinnar

11:18 Tildrög flugslyss sem varð þegar tvær litlar flugvélar rákust saman í háloftunum vestan við Langjökul 5. september eru nú til rannsóknar hjá rannsóknarnefnd samgönguslysa. „Vængur á annarri flugvélinni fór í skrokkinn á hinni flugvélinni,“ segir Ragnar Guðmundsson, rannsakandi á flugsviði RNSA, í samtali við mbl.is. Meira »

Skúrinn of hár fyrir brúna

10:48 Vinnuskúr féll af palli gámabíls á Viðarhöfða í morgun þegar bíllinn var á leið undir brú við Vesturlandsveg.  Meira »

Flokkurinn hefur aldrei óttast kjósendur

10:47 „Viðbrögð samstarfsflokka okkar við meintum trúnaðarbresti, sem var að vísu enginn í huga annars flokksformannsins og tók nokkra daga að verða til í huga hins, voru fráleit og ábyrgðarlaus gagnvart fólkinu í landinu,“ segir Bjarni Benediktsson, forsætisráðherra og formaður Sjálfstæðisflokksins, í bréfi til flokksmanna sinna. Meira »

Verður ekki afgreitt fyrir kosningar

10:09 „Vegna andstöðu samstarfsflokka okkar í ríkisstjórn og þingmanna VG fékkst málið ekki afgreitt í vor. Ég lagði því málið fram að nýju nú í september en úr þessu fæst það ekki afgreitt fyrir kosningar.“ Meira »

Fækkun á leikskólum

09:38 Alls voru 19.090 börn í leikskóla á Íslandi um síðustu áramót og hafði fækkað um 272 (-1,4%) frá fyrra ári. Sú fækkun stafar af fámennari árgöngum, því hlutfall barna sem sækir leikskóla hefur hækkað lítillega. Meira »

Lægstu launin duga ekki til framfærslu

09:33 „Lægstu laun á Íslandi eru skammarlega lág og duga ekki til framfærslu hjá fjölda fólks. Þetta er eitt stærsta vandamálið í íslensku samfélagi í dag.“ Þetta kemur fram í fréttatilkynningu frá VR. Meira »

Borgar flugnám með blaðburðarlaunum

07:57 Bjarki Þór Sigurðarson er ungur maður stórra drauma sem er nýbyrjaður í flugnámi. Það kostar skildinginn sinn en blaðburðurinn hefur bjargað málum. Bjarki og Ragna Kristbjörg Rúnarsdóttir móðir hans hafa frá 2014 saman borið Morgunblaðið í hús við Bolla-, Leiru- og Skeljatanga í Mosfellsbæ og safnast þegar saman kemur. Meira »

Prestur sakaður um kynferðisbrot

07:30 Fagráð kirkjunnar um meðferð kynferðisbrota innan íslensku þjóðkirkjunnar hefur sent þrjú aðskilin mál á síðustu dögum til úrskurðarnefndar kirkjunnar þar sem meintur gerandi í kynferðisbrotamálunum er einn og sami sóknarpresturinn. Meira »

„Best að horfast í augu við þetta“

08:18 „Sumir halda að þetta sé eitthvert ægilegt leyndarmál. En þetta er það ekki,“ segir Hrefna Huld Jóhannesdóttir, fyrrverandi landsliðskona og atvinnumaður í knattspyrnu. Hún greindist með geðklofa árið 2008 þegar hún var 28 ára. Meira »

Aðdragandi slita kosningamál

07:37 Stjórnmálaflokkar eru nú flestir komnir á fullt við að undirbúa komandi alþingiskosningar, nú þegar rétt um 5 vikur eru í settan kjördag. Morgunblaðið setti sig í samband við talsmenn þeirra flokka sem sæti eiga á Alþingi og spurði: Hver verða stóru kosningamálin? Meira »

Mjög vætusamt um helgina

06:38 Rysjótt en milt veður næstu daga og mjög vætusamt um helgina, segir í hugleiðingum veðurfræðings Veðurstofu Íslands.  Meira »
Hoppukastalar.is -Candyfloss-Popp-leikir
Bjóðum upp à ýmisslegt fyrir barnaafmæli , fjölskyldusamkomur o.fl. Hoppukastala...
Suzuki Grand Vitara árgerð 2006
Eldsneyti / Vél Bensín Akstur 190 þús km 4 strokkar 1.995 cc. Innspýtin...
Matreiðslubækur og fleiri góðgæti
Gott úrval af notuðum: orðabókum, matreiðslubókum, handbókum, skáldverkum og bar...
Flísar og Fúga Flísalagnir
Vandaðar flísalagnir. Föst verðtilboð eða tímavinna þér að kostnaðarlausu. Vöndu...
 
Utankjörfundaratkvæða- greiðsla uta
Tilkynningar
Utankjörfundaratkvæðagreiðs...
Framhaldssala
Nauðungarsala
Uppboð Einnig birt á www.naudungarsolu...
Hádegisfundur ses
Fundir - mannfagnaðir
ses.xd.is Samtök eldri sjálfstæði...
Rafræn kosning hofsprestakall
Tilkynningar
Auglýsing um prestskosningu í Hofspr...