Bilun í stjórntölvu í einni af þremur vélum rannsóknarskipsins Bjarna Sæmundssonar í kjölfar þess að straumbreytir brann yfir orsakar að skipið hefur ekki komist til loðnurannsókna sem áttu að hefjast nú í vikunni.
Það var loksins í gær, eftir mikla leit hjá framleiðanda í Þýskalandi, að varahluturinn fannst.
„Þetta er mjög bagalegt en auðvitað er gamalt skipið bara að minna á að tími á endurnýjun er kominn,“ segir Sólmundur Már Jónsson, sviðsstjóri fjármála og rekstrar hjá Hafrannsóknastofnun, í Morgunblaðinu í dag.