Benedikt Jóhannesson, formaður Viðreisnar, óskaði eftir því á fundi ráðgjafaráðs flokksins í dag að aðrir þingmenn flokksins myndu svara fyrir mál er tengdust uppreist æru í framtíðinni. Hann vildi stíga til hliðar sem talsmaður í þeim málum vegna fjölskyldutengsla sinna við Bjarna Benediktsson forsætisráðherra.

En faðir Bjarna, Benedikt Sveinsson, skrifaði undir meðmælabréf fyrir Hjalta Sigurjón Hauksson, dæmdan barnaníðing, þegar hann sótti um uppreist æru á síðasta ári.

Þorsteinn Víglundsson, félags- og jafnréttismálaráðherra greindi frá því í fréttum RÚV í kvöld að Benedikt hefði ákveðið að stíga til hliðar sem talsmaður í málum er tengdust uppreist æru.

Var það samþykkt á fundinum að Benedikt stigi til hliðar og að aðrir tækju við, en á sama tíma lýsti fundurinn yfir fullum stuðningi við hann sem formann Viðreisnar.

Tengdar fréttir

Stjórnarsamstarfi slitið

Skapa svigrúm og nýtt þing tekur afstöðu

• Allir flokkar nema tveir náðu samkomulagi
• Sigurður Ingi ekki á fundi formanna
• Formenn flokkanna hittast í dag
• „Þeir brugðust sem stóðu manni næst“

» Fleiri tengdar fréttir

• Blogga um frétt