Inflúensan lætur á sér kræla

Bólusetning við flensu
Bólusetning við flensu mbl.is/Árni Sæberg

Tvö tilfelli af inflúensu greindust hjá erlendum ferðamönnum í byrjun þessa mánaðar. Annað var af völdum inflúensuveiru A(H3) en hitt af völdum inflúensuveiru B, samkvæmt upplýsingum frá sýkingavarnadeild og sýkla- og veirufræðideild Landspítala. Þetta kemur fram á vef embætti landlæknis

Í vikunni sem leið greindust tvö tilfelli af inflúensu A(H3) hjá tveimur sjúklingum sem lágu saman í herbergi á Landspítala. Nú um helgina greindust tveir einstaklingar til viðbótar með inflúensu A(H3), annar þeirra var barn sem lagðist inn á Landspítala.

„Enn er of snemmt að fullyrða að inflúensufaraldur sé hafinn. Mikilvægt er að fylgjast með fjölda einstaklinga sem greinast með inflúensulík einkenni. Enn sem komið er hefur ekki borið á aukningu slíkra tilfella í heilsugæslunni.“ Þetta kemur einnig fram á vef embættis landlæknis. 

Nú þegar eru hafnar bólusetningar á sjúklingum og starfsmönnum Landspítala. 

Heilsugæslan mun á næstunni auglýsa nánar um fyrirkomulag bólusetningarinnar.

mbl.is
Fleira áhugavert
Fleira áhugavert