Vantar nauðsynlega O mínus blóð

Blóðbankinn biðlar til fólks að mæta í blóðgjöf, en sérstaklega …
Blóðbankinn biðlar til fólks að mæta í blóðgjöf, en sérstaklega er óskað eftir O mínus. mbl.is/Ómar Óskarsson

Blóðbankinn auglýsir í dag eftir því að hann vanti nauðsynlega að fá inn tólf O mínus blóðgjafa í dag, en vöntun er á slíku blóði. Aðeins einn í þeim blóðflokki hefur komið í dag. 

Samkvæmt tilkynningu frá bankanum á Facebook eru 0 mínus blóðgjafar hvattir til að mæta í blóðgjöf í dag, en opið er á Snorrabraut til 19:00 og á Akureyri til 15:00.

Á heimasíðu blóðbankans má sjá að einnig er vöntun á blóðflokkum O plús, A mínus, A plús og AB mínus. 

mbl.is
Fleira áhugavert
Fleira áhugavert