Umhverfisþing hafið í Hörpu

Harpa.
Harpa. mbl.is/Júlíus

Umhverfisþing hófst í Hörpu í morgun með ávarpi Bjartar Ólafsdóttur, umhverfis- og auðlindaráðherra. Það er haldið samkvæmt ákvæðum náttúruverndarlaga og að þessu sinni verða loftslagsmál meginefni þingsins.

Á þinginu verða flutt erindi um hinar margvíslegu hliðar loftslagsbreytinga, áhrif þeirra á Ísland og hvernig best verður tekist á við þær breytingar sem fylgja hlýnun jarðar. Þinginu lýkur með pallborðsumræðum.

Heiðursgestur þingsins verður Monica Araya frá Costa Rica. Hún er doktor í umhverfisfræði og frumkvöðull í heimalandi sínu í öllu er varðar sjálfbærni, þróun hreinnar tækni og vistvænna orkugjafa. Erindi hennar mun fjalla um möguleika lítilla ríkja á að vera í fararbroddi í loftslagsmálum, að því er kemur fram í tilkynningu frá Stjórnarráðinu.

Þingið er öllum opið meðan húsrúm leyfir.

Dagskrá þingsins

Bein útsending frá umhverfisþinginu:

 

mbl.is
Fleira áhugavert
Fleira áhugavert