Heppinn lottóspilari er rúmlega 5,1 milljarði króna ríkari eftir að dregið var í EuroJackpot í kvöld en hann fær fyrsta vinninginn óskiptan. Vinningsmiðinn var keyptur í Finnlandi.
Fjórir skipta með sér öðrum vinningnum og fær hver þeirra í sinn hlut 53,9 milljónir króna. Vinningsmiðarnir voru keyptir í Þýskalandi, Svíþjóð, Noregi og Spáni.
Þá skipta sex með sér þriðja vinningnum og fær hver þeirra í sinn hlut 12,7 milljónir króna. Tveir vinningsmiðanna voru keyptir í Danmörku og fjórir í Þýskalandi.
Vinningstölurnar eru 1, 10, 25, 46 og 49. Stjörnutölurnar eru 1 og 6.