Íslenska kvennalandsliðið í knattspyrnu er nú statt í Tékklandi og fyrir höndum í dag er leikur gegn Tékklandi í undankeppni HM 2019.
Eftir óskabyrjun í riðlinum er leikurinn afar mikilvægur fyrir íslensku landsliðskonurnar en Ísland vann Færeyjar og Þýskaland í fyrstu tveimur leikjunum.
Leikurinn hefst klukkan 16 að íslenskum tíma og fer fram á litlum leikvangi í Znojmo, 40 þúsund manna bæ, nærri landamærunum að Austurríki. Með sigri getur Ísland komið sér vel fyrir á toppi riðilsins, að þvío er fram kemur í íþróttablaði Morgunblaðsins í dag.