Kæru Spencer vísað frá
Setja bókamerki
Siðanefnd Blaðamannafélags Íslands hefur úrskurðað í máli Roberts Spencer gegn fréttastofu RÚV vegna endurbirtingar á frétt sem áður hafði verið kærð en vísað frá siðanefnd þar sem kæra barst of seint. Siðanefnd vísaði málinu frá en Róbert Haraldsson skilaði sératkvæði.
Málið snýst um endurbirtingu fréttar þar sem viðtal við Spencer, sem er ritstjóri Jihad Watch og fyrirlesari, er birt að nýju á vef RÚV í ágúst. Upprunalega viðtalið, sem Spencer kærði einnig, var birt í maí en í ágúst var það endurbirt á vef RÚV með tengli þegar niðurstaða siðanefndar í fyrstu kæru Spencer lá fyrir.
Fréttamenn RÚV eru ekki þeir einu sem Spencer hefur kært því hann kærði lækni á bráðamóttöku Landspítalans í ágúst.
Spencer hélt fyrirlestur um íslam í maí og í kjölfarið hélt hann því fram að honum hafi verið byrluð ólyfjan á skemmtistaðnum BarAnanas í Reykjavík.
Í grein sem hann ritaði á bandaríska vefsíðu fór Spencer hörðum orðum um umfjöllun fjölmiðla og annarra um heimsókn hans til landsins. Fjölmiðlar hafi verið uppfullir af fréttum um að vondur maður væri á leiðinni til landsins og rætt við þá nokkra tugi einstaklinga sem mótmælt hafi komu hans. Hins vegar hafi ekki verið leitað eftir viðbrögðum hans sjálfs.
Ein sjónvarpsstöð hafi tekið viðtal við hann í tengslum við fundinn en fréttamaðurinn hafi verið upptekinn af meintri ábyrgð hans á morðum norska fjöldamorðingjans Anders Breivik en Breivik hefur vísað í skrif Spencers. Spencer segist ekki frekar geta borið ábyrgð á gerðum Breiviks en Bítlarnir á gerðum bandaríska fjöldamorðingjans Charles Manson.
Úrskurður siðanefndar Blaðamannafélags Íslands í heild
Krefjast stöðvunar framkvæmda
Væri að ljúga ef ég segðist ekki stressaður
Handteknir eftir myndatöku í Vesturbæjarlaug
„Umsátursástand“
Skemmtiferðaskip hætt komið nærri Viðey
Tveir í bílnum sem lenti utan vegar
Árshátíð ríkislögreglustjóra haldin í Tékklandi
„Höfum ekki náð að skríða upp úr þeirri gryfju“