Sóley Tómasdóttir, fyrrverandi borgarfulltrúi Vinstri grænna, hefur boðað til fundar á Hótel Sögu í kvöld þar sem rætt verður um möguleikann á stofnun nýs kvennaframboðs.

„Niðurstaða kosninganna liggur fyrir. Þrátt fyrir aðdraganda stjórnarslitanna, #höfumhátt og háværa kröfu kvenna um breytt samfélag hefur orðið alvarlegt bakslag í jafnréttismálum,“ segir á Facebook-síðu viðburðarins.

„Flokkurinn sem hafði hugrekki til að slíta samstarfi vegna kynferðisofbeldis og leyndarhyggju þurrkaðist út af þingi. Hlutfall kvenna fór úr 47% í 38% og Panamaprinsunum var veitt uppreist æra með myndarlegri kosningu þrátt fyrir allt og allt.“

Spurt er hvort ekki sé orðið fullreynt að breyta kynjuðu samfélagi í gegnum blandaða flokka. Þrátt fyrir vilja og kraft róttækra kvenna í öllum flokkum sé feminismi ekki raunverulegt baráttumál neins þeirra.

„Kvennaframboð sem setur öryggi, aðstæður og tækifæri kvenna af öllum gerðum og stærðum á oddinn er möguleiki sem vert er að athuga nánar. Fundum strax á meðan reiðin ólgar – og reynum að beina henni inn í jákvæðan farveg í þágu okkar allra?“

Tengdar fréttir

Alþingiskosningar 2017

Vildu stýra fjórum nefndum

• Mikill stuðningur við ríkisstjórnina
• Þing gæti komið saman um miðjan mánuð
• Pólitískur ráðherra, ekki fagráðherra
• Kosið of snemma um stjórnarslit

» Fleiri tengdar fréttir

• 2 blogg um fréttina

Bloggað um fréttina

• Páll Vilhjálmsson: Femínismi er valdahyggja
• Jóhannes Ragnarsson: Og þá stökkur fram Sóley Tomm Fílí Romm Bomm Bomm