Íslensk skrímsli flutt út

Íslenska fyrirtækið Monstri ehf hefur handgert lítil ullarskrímsli frá árinu 2011 og hafa þau  fengið frábærar viðtökur hjá ferðamönnum. Svo frábærar að ferðamaður nokkur, sem rekur framleiðslufyrirtæki í Japan, hefur falast eftir samstarfi við fyrirtækið.

Dreifingarsamningur í Japan 

Allt er þetta farið að vinda upp á sig og verður vörulína fyrirtækisins með á einni stærstu barna-vörusýningu í Asíu, fyrst íslenskra fyrirtækja.

„Skrímslamamman“ Alma Björk Ástþórsdóttir sagði frá sögu fyrirtækisins í Magasíninu á K100 síðdegis. Hún segir eftirspurn eftir fleiri vörum um skrímslin góðu en Monstri ehf skrifaði undir dreifingarsamning í Japan fyrr á þessu ári. Í kjölfarið gáfu þau út bókina “The Skrimslis of Lavaland”. 

Nú hefur bókin verið gefin út á íslensku og mun fyrirtækið halda útgáfuteiti í Hafnarborg Hafnarfirði þann 11. nóvember n.k. og þar verður einnig sett upp skrímslasmiðja þar sem púsla má saman sínu eigin skrímsli.

Skrímslið Hellir. Mynd / www.theskrimslis.com

Græn framleiðsla

Afgangar og endurvinnsla efnis varð kveikjan að framleiðslu skrímslanna segir Alma í viðtalinu og lýsir hún því hvernig afgangar hlóðust upp frá framleiðslu á fatnaði hjá móður sinni sem rekur einnig fyrirtæki. Eitt hefur leitt af öðru og má hlusta á viðtalið við Ölmu Björk úr þættinum hér að neðan. 

Heimasíða fyrirtækisins er http://www.theskrimslis.com/

Hér má sjá viðtalið í heild.

• Blogga um frétt