Sjötti fundur Flugvirkjafélags Íslands og Samtaka atvinnulífsins vegna Icelandair var haldinn hjá ríkissáttasemjara í dag.
„Menn eru bara að ræða saman, það er ekkert nýtt að frétta,“ segir Óskar Einarsson , formaður Flugvirkjafélags Íslands.
„Það er verið að leita eftir ákveðnu jafnvægi. Það er verið að spjalla um leiðréttingu sem við teljum okkur eiga inni.“
Næsti fundur verður á þriðjudaginn eftir tæpa viku.
Spurður hvort líkur séu á verkfalli segir Óskar ekkert slíkt vera í farvatninu eins og er.