ÍNN hættir útsendingum í kvöld

Ingvi Hrafn Jónsson.
Ingvi Hrafn Jónsson. ÍNN

Stjórnendur sjónvarpsstöðvarinnar ÍNN hafa ákveðið að leggja stöðina niður og verður útsendingum hennar hætt í kvöld. Þetta kemur fram í tilkynningu á Fésbókarsíðu sjónvarpsstöðvarinnar.

Þar segir jafnframt að ÍNN hafi glímt við mikinn rekstrar- og skuldavanda um árabil. Tækjabúnaður stöðvarinnar þarfnist endurnýjunar og ljóst sé að stöðin verði ekki rekin áfram nema nýtt fjármagn komi til.

Hlutafé í ÍNN var meðal þess sem Frjáls fjölmiðlun keypti af Pressunni í haust.

Samkvæmt tilkynningu ÍNN er niðurstaðan nú sameiginleg ákvörðun stjórnar Pressunnar og eiganda Frjálsrar fjölmiðlunar, en bæði félögin hafi lagt ÍNN til fjármagn undanfarin misseri.

mbl.is
Fleira áhugavert
Fleira áhugavert