Óttast ekki hið ókomna

Sigrún Sigurgeirsdóttir, landvörður í Vatnajökulsþjóðgarði, er fædd og uppalin í ...
Sigrún Sigurgeirsdóttir, landvörður í Vatnajökulsþjóðgarði, er fædd og uppalin í Öræfum.

„Það eru allir afskaplega rólegir fyrir þessu,“ segir Sigrún Sigurgeirsdóttir, landvörður í Vatnajökulsþjóðgarði, um aukna virkni sem verið hefur í Öræfajökli síðustu daga.

Sigrún, sem er fædd og uppalin í Öræfum, hefur lifað góðu samlífi við jökulinn alla sína ævi og býst ekki við að það muni breytast í bráð. Hún fylgist þó grannt með gangi mála.

Óvissustigi almannavarna var lýst yfir á svæðinu á föstudag vegna vís­bend­inga um aukna virkni í jöklinum og á laugardag flugu fulltrúar almannavarna og jarðvís­inda­menn að jöklinum og mældu meðal ann­ars nýj­an sig­ketil sem hef­ur mynd­ast í öskju jök­uls­ins síðustu daga.

Sigrún hefur ekki orðið vör við óvenjumikla flugumferð yfir jökulinn, þrátt fyrir skipulagðar eftirlitsferðir almannavarna. „Það er alltaf flugumferð hingað, Evrópuflugið stefnir á Ingólfshöfðann og ef maður horfir til himins þá sér maður oft rákir eftir farþegaþotur án þess að það trufli mann neitt.“

Lífið hefur því gengið sinn vanagang í sveitinni um helgina. „Stemningin er bara afskaplega góð í kringum mig,“ segir Sigrún sem er búin að njóta helgarinnar í faðmi stórfjölskyldunnar í Öræfum. „Enda gerum við ráð fyrir því að ef að eitthvað fer að gerast í jöklinum verði viðvaranirnar meiri en þetta.“

Ferðamenn hafa einnig flestir haldið sínu striki á svæðinu. „Það er fullt af fólki á ferðinni eins og venjulega. Sumir ferðamenn virðast vita að það eru einhverjar hræringar búnar að vera en margir vita að það eru alls konar mögulegar hættur á Íslandi, en flestir gera ráð fyrir því að allt sé í lagi á meðan ekki eru einhverjar sérstakar viðvaranir í gangi,“ segir Sigrún.

Óvissustig vegna aukinnar virkni í Öræfajökli hefur verið í gildi ...
Óvissustig vegna aukinnar virkni í Öræfajökli hefur verið í gildi frá því á föstudag. mbl.is/Sigurður Bogi Sævarsson

Bæta þarf símasamband

Lítil reynsla er af aukinni virkni í Öræfajökli sem gaus síðast árið 1727. Gerð rým­ingaráætl­ana fyr­ir byggð í Öræfum hef­ur nú verið flýtt vegna þeirr­ar auknu virkni sem hef­ur verið í jökl­in­um síðustu daga.  Samkvæmt ný­legu hættumati fyr­ir svæðið í kring­um jökulinn kem­ur fram að tím­inn frá því að eld­gos næði til yf­ir­borðs á jökl­in­um og að flóð væri komið að þjóðvegi 1 sé í mörg­um til­fell­um aðeins 20 mín­út­ur. 

Að mati Sigrúnar er mikilvægt að yfirfara símasamband á hluta svæðisins. „Ég myndi vilja sjá að GSM-þjónustusvæðin verði yfirfarin. Ég veit að það er ágætis GSM-samband á þjóðveginum víðast hvar en ég myndi vilja sjá að svæðin þar sem ferðamenn stunda sína afþreyingu, það er gönguferðir af ýmsu tagi, verði vel dekkuð.“

Ef til eldgoss kæmi gengur almannavarnakerfið þannig fyrir sig að SMS-hópskilaboð verða send á þá sem staddir eru á svæðinu. „Það er enginn sem hleypur upp um fjöll og firnindi til að vara fólk við, það er gert ráð fyrir að það sé sent hóp-SMS og þá skiptir auðvitað máli að fólk fái skilaboðin. Það er atriði sem þarf að vera í lagi og ég myndi vilja sjá að yrði skoðað,“ segir Sigrún.  

Öræfajökull hefur tvisvar sinnum gosið á sögulegum tíma, árið 1362 ...
Öræfajökull hefur tvisvar sinnum gosið á sögulegum tíma, árið 1362 og 1727. mbl.is/Sigurður Bogi Sævarsson

Vill útrýma einbreiðum brúm sem fyrst

Við gerð rým­ingaráætl­ana er horft til tveggja verkþátta; áætl­un­ar um neyðarrým­ingu þar sem eld­gos hefj­ist nán­ast fyr­ir­vara­laust og eng­inn tími gef­ist til und­ir­bún­ings og hins veg­ar rým­ingaráætl­un­ar í fjór­um þátt­um þar sem hægt væri að vinna skipu­lega að rým­ingu. Sigrún segir að ef grípa þarf til rýmingar gæti fjöldi einbreiðra brúa hægt töluvert á ferlinu.

„Ef að það þarf að rýma þá eiga þessar einbreiðu brýr eftir að tefja fyrir,“ segir hún og telur hún því ríkt tilefni til að endurskoða samgöngumál almennt á svæðinu. „Það eru hvergi á landinu jafngríðarlega margar einbreiðar brýr eins og hér á þessu landshorni og það er smám saman verið að vinna að því að fækka þeim en við viljum að einbreiðum brúm verði útrýmt sem fyrst.“ Þá segir hún veginn vera á köflum of mjóan svo að umferð komist greiðlega í gegn.

Lætur ekki óttann við mögulega hættu stýra sér

Sigrún býst við því að næstu dagar verði hefðbundnir. „Bara eins og allir hinir dagarnir. Ég er fædd og uppalin undir þessu mikla eldfjalli og hef hingað til sagt að fyrst að það geti eitthvað komið fyrir hér þá getur eitthvað komið fyrir alls staðar í heiminum, kannski ekki endilega eldgos en það getur verið fellibylur, fárviðri, skógareldar eða snjóflóð. Það getur alls staðar eitthvað komið fyrir og það þýðir ekkert að hræðast það.“

Sigrún hefur því ekki tapað öryggistilfinningunni sem hún hefur ávallt haft, þó svo að hún búi í mikilli nálægð við eldstöð. „Þú getur forðað þér frá hættu, það er enginn vandi. En ef þú ferð að láta ótta við mögulega hættu stýra þér þá er enginn staður öruggur í sjálfu sér. Það þýðir ekki að láta óttann við það ókomna stýra sér.“

mbl.is

Innlent »

Laun lögmanna rædd í Hæstarétti

15:55 Laun og arðgreiðslur þeirra Ástráðs Haraldssonar og Jóhannesar Rúnars Jónssonar komu til tals í málflutningi á áfrýjunarmálum þeirra gegn íslenska ríkinu vegna skipunar Landsréttardómara í Hæstarétti í morgun. Meira »

Seinkun vegna aðskotahlutar

15:52 Aðskotahlutur fór inn í hreyfil á flugvél WOW air er hún lenti í borginni Tel Aviv í Ísrael í morgun sem varð til þess að margra klukkustunda seinkun varð á næsta flugi þaðan til Íslands. Meira »

102 tilkynningar um innbrot

15:21 Tilkynningum um innbrot fjölgaði mikið í nóvember miðað við meðalfjölda undanfarinna mánaða og hefur innbrotum fjölgað töluvert síðustu mánuði. Alls bárust 102 tilkynningar um innbrot í nóvember. Meira »

Hvetja fyrirtæki að koma þessu í lag

14:54 „Í ljósi þessarar umræðu hvetjum við fyrirtækin okkar eindregið að koma þessum hlutum í lag ef þau hafa ekki gert það nú þegar,“ segir framkvæmdastjóri Félags atvinnurekenda um áhættumat, skriflega áætlun og til hvaða aðgerða verði gripið ef einelti, kynferðisleg og kynbundið áreitni og ofbeldi verður vart á vinnustöðum. Meira »

Enginn enn verið ráðinn

14:45 Væntanlega verður tekin ákvörðun um það á næstu dögum hver verði næsti ferðamálastjóri og taki við embættinu um áramótin en eins og mbl.is hefur fjallað um sóttu 23 um starfið og koma af þeim þrír til greina. Meira »

106 milljóna skattabrot á fimm árum

14:28 Karlmaður á fertugsaldri hefur verið ákærður af embætti héraðssaksóknara fyrir meint skattabrot upp á samtals um 106 milljónir króna á árunum 2008 til 2012. Tengjast brotin fimm einkahlutafélögum sem maðurinn stýrði. Meira »

„Það hefur bara allt sinn tíma“

13:55 „Þetta er bara ákvörðun innan fjölskyldunnar að hætta núna,“ segir Ólafur Eggertsson, bóndi á Þorvaldseyri undir Eyjafjöllum, í samtali við mbl.is en tekin hefur verið ákvörðun um að loka gestastofunni á bænum um áramótin þar sem tekið hefur verið á móti miklum fjölda ferðamanna undanfarin sjö ár. Meira »

Stokka þarf framgangskerfið upp

14:01 Það dró jafnt og þétt úr kynbundnum mun á launum starfsfólks Háskóla Íslands á árabilinu 2010 til 2015. Hins vegar skilar framgangskerfið sér í hærri launum til karla, en kerfið þarnfast gagngerrar uppstokkunar sem taki mið af innbyggðri mismunun á öllum stigum stefnumótunar og kerfisbreytinga. Þetta eru niðurstöður nýrrar rannsóknar. Meira »

Forrit um jólasveina fyrir illa áttaða foreldra

13:10 „Okkur fannst vanta áminningu um hvaða jólasveinn væri að koma til byggða,“ segir Hrönn Róbertsdóttir sem bjó til snjallforritið Jólasveinar með kærasta sínum Sölva Logasyni. Forritið greinir frá því hvaða jólasveinar koma til byggða fram að jólum. Meira »

Ákærður fyrir 12 milljóna skattabrot

13:09 Karlmaður um sextugt hefur verið ákærður af embætti héraðssaksóknara fyrir meiri háttar brot gegn skatta- og bókhaldslögum með því að hafa ekki staðið skil á virðisaukaskatti upp á 11,8 milljónir á fjögurra ára tímabili frá 2008 til 2011. Meira »

Leysibendar eru ekki leikföng

12:47 Geislavarnir ríkisins árétta að leysibendar eru ekki leikföng og skora á foreldra og aðra aðstandendur að koma í veg fyrir að börn leiki sér með þá. Leysibendar geti valdið alvarlegum augnskaða á örstund sé geislanum beint að auga eins og dæmin sanna. Meira »

Málið á borði héraðssaksóknara

12:39 Rannsókn lögreglu á morðinu á Sanitu Braune, 44 ára gam­alli konu frá Lett­landi, lauk í síðustu viku. Grímur Grímsson yfirlögregluþjónn segir að héraðssaksóknari taki ákvörðun um það fljótlega hvort ákæra verði gefin út í málinu. Meira »

Full samstaða um fjárhagsáætlunina

11:46 Fjárhagsáætlun Reykjanesbæjar 2018-2022 var samþykkt með öllum atkvæðum bæjarfulltrúa á bæjarstjórnarfundi 5. desember. Fram kemur í fréttatilkynningu að þetta sé í fjórða sinn á kjörtímabilinu sem full samstaða sé um fjárhagsáætlun. Meira »

Tekur tíma að prufukeyra ný tæki

10:49 „Þegar ný tæki koma hérna inn þarf að fara yfir þau og prufukeyra og það tekur bara sinn tíma,“ segir Margrét María Sigurðardóttir, forstjóri Þjónustu- og þekkingarmiðstöðvar fyrir blinda, sjónskerta og daufblinda einstaklinga, í samtali við mbl.is. Meira »

Líður ekki vel á gömlum sjúkrabílum

10:21 Fyrir tveimur árum rann út samningur milli ríkisins og Rauða krossins um rekstur og viðhald sjúkrabíla landsins. „Við höfum miklar áhyggjur af því að heilbrigðisráðuneytið hefur ekki endurnýjað samninginn. Ábyrgðin liggur þar,“ segir formaður fagdeildar sjúkraflutningamanna. Meira »

Meira en mælanlegu hlutirnir

11:45 Hörður Arnarson, forstjóri Landsvirkjunar, ákvað fyrir ári að horfast í augu við hægari framgang í jafnréttismálum hjá Landsvirkjun en raun bar vitni. Hann segist fyrst og fremst stoltur af fyrirtækinu og því hversu víðtæk samstaða var að hafa málið á dagskrá. Meira »

„Óumflýjanlegt í smáu þjóðfélagi“

10:48 Kristján Þór Júlíusson, nýskipaður sjávarútvegs- og landbúnaðarráðherra, segir það sérstaklega ánægjulegt að vera trúað fyrir embættinu af þingflokki Sjálfstæðisflokksins. Tekur hann fram að óumflýjanlegt sé, í smáu þjóðfélagi, að stjórnmálamenn þekki marga, „sérstaklega þegar viðkomandi hafa búið í sama bæjarfélagi eða unnið í sama geira“. Meira »

Katrín í París

09:18 Katrín Jakobsdóttir, forsætisráðherra, er komin til Parísar þar sem hún mun sækja leiðtogafund um loftlagsmál sem fram fer í dag. Meira »

Börnin sem kerfið gleymdi

Bátakerru stolið
Þessari kerru var stolið um Hvítasunnuhelgina í bryggjuhverfinu í Reykjavík. Þei...
HARÐVIÐUR TIL HÚSBYGGINGA
Harðviður til húsabygginga Sjá nánar á www.vidur.is Vatnsklæðning, panill, palla...
Egat Diva Snyrti-/nuddbekkur rafmagns fyrir Snyrti,Fótaðgerða,Nuddara
Egat Diva Rafmagns snyrti-/nuddbekkur, svartir og beige á litinn.100% visa raðgr...
 
Framhald uppboðs
Nauðungarsala
Uppboð Einnig birt á www.naudungarsolu...
Styrkir virk
Styrkir
Styrkir VIRK Virk starfsendurhæfingar...
Framhald uppboðs
Nauðungarsala
Uppboð Einnig birt á www.naudungarsolu...
Framhald uppboðs
Nauðungarsala
Uppboð Einnig birt á www.naudungarsolu...