Innlent | Morgunblaðið | 22.11.2017 | 5:30

Ásókn í Vatnsmýrina

Reitur A er þríhyrningslaga. Til stóð að bílastæði yrðu ofanjarðar á hliðinni sem er hér til vinstri. Með því að færa bílastæðin í kjallara er hægt að byggja heildstæða byggingu með inngarði, í takt við hverfið. Teikning/Alark arkitektar

Félag tengt Róberti Wessman hefur selt hluta af svonefndum E-reit á Hlíðarenda í Reykjavík til leigufélagsins Heimavalla. Samkvæmt tillögu að skipulagi verður heimilt að reisa allt að 178 íbúðir á reitnum.

Við viðskiptin selur félagið Frostaskjól hluta af reitnum. Það er að hálfu leyti í eigu sænska félagsins Aztiq Investment Advisory. Það er aftur í eigu félagsins Hexalonia Holdings í Lúxemborg. Meðal eigna Hexalonia Holdings er annað félag, Park 66B, sem er skráð í Delaware í Bandaríkjunum. Póstfang þess er á heimili Róberts á Manhattan.

Jafnframt á athafnamaðurinn Sigurður Siggeirsson í viðræðum um sölu á hlut í tveimur reitum, C og D, á Hlíðarenda. Þar verða 304 íbúðir, að því er fram kemur í fréttaskýringu um þessar framkvæmdir í Morgunblaðinu í dag.