Innlent | mbl | 22.11.2017 | 14:04

Þöggun og meðvirkni verði ekki liðin

„Við heitum því að gera allt sem í okkar valdi stendur til að tryggja konum öruggt umhverfi innan Pírata og alls staðar annars staðar þar sem við höfum völd og áhrif,“ segir m.a. í tilkynningunni. Á myndinni má sjá Þórhildi Sunnu Ævarsdóttur, þingmann Pírata, á Bessastöðum fyrir skemmstu. mbl.is/Hari

Karlar í Pírötum styðja heilshugar við það þverpólitíska framtak íslenskra kvenna í stjórnmálum að koma fram sem hópur til að lýsa reynsluheimi sínum. Reynsluheimi sem einkennist af því að þurfa að þola kynferðisofbeldi og áreitni við stjórnmálastörf.

Þetta kemur fram í tilkynningu frá flokknum.

Þar segir ennfremur, að þessu fylgi afdráttarlaus krafa um að allir karlar taki ábyrgð, að allir stjórnmálaflokkar taki af festu á málinu, setji sér viðbragðsreglur og lofi konum að þær þurfi ekki að þegja meir því þær muni fá stuðning.

„Þessa kröfu ber að taka alvarlega. Umhverfi þar sem hegðun af þessu tagi fær að viðgangast er fráhrindandi fyrir konur og stuðlar að grófu valdaójafnvægi. Við heitum því að gera allt sem í okkar valdi stendur til að tryggja konum öruggt umhverfi innan Pírata og alls staðar annars staðar þar sem við höfum völd og áhrif. Þöggun um þessi vandamál og meðvirkni með þeim verður ekki liðin af okkar hálfu,“ segir í tilkynningunni.

Eftirfarandi skrifa undir tilkynninguna: