Amir á leið aftur heim til Íslands
Setja bókamerki
Íranski hælisleitandinn Amir Shokrgozar, sem vísað var frá Íslandi í fylgd fimm lögreglumanna í febrúar á þessu ári og sendur til Ítalíu, er nú á leiðinni til Íslands aftur. „Hann flýgur heim til Íslands frá Ítalíu á morgun,“ segir Jóhann Emil Stefánsson, eiginmaður Amirs, í samtali við mbl.is. „Hann er þakklátur fyrir að vera loksins á leiðinni heim, því hér á hann heima.“
Mbl.is greindi frá því í síðasta mánuði að Amir væri gert að greiða sjálfur fyrir eigin brottflutning, um 635.000 krónur, og ætlaði hann að flytja hingað til lands aftur, en þeir Jóhann, eða Jói eins og hann er kallaður, giftu sig á Sikiley í byrjun síðasta mánaðar.
/frimg/9/40/940994.jpg)
Mikið var fjallað um mál Amirs á sínum tíma en hann flúði heimaland sitt vegna kynhneigðar sinnar. Áður en hann kom til Íslands var hann á flótta á Ítalíu þar sem hann var ofsóttur, bæði líkamlega og andlega, jafnt fyrir kynhneigð sína sem kristna trú, og var lenti í hópnauðgun í flóttamannabúðum þar í landi.
Tókst með hjálp frá góðu fólki
Amir og íslenskur unnusti hans, Jóhann Emil Stefánsson, höfðu reynt að fá að gifta sig hér á landi fyrir brottflutninginn. Lög um útlendinga sem tóku gildi hér á landi um síðustu áramót kveða hins vegar á um að til þess að fólk geti sótt um dvalarleyfi hér á landi á grundvelli hjúskapar þurfi það að vera gift í eitt ár eða lengur.
Amir og Jói auglýstu í síðasta mánuði bíl sinn til sölu á Facebook upp í skuldina við íslenska ríkið. Jói segir að tekst hafi að selja bílinn, sem er af gerðinni Toyota Avensis árgerð 2004. Salan á honum hafi þó ekki hrokkið til greiðslu skuldarinnar, en tekist hafi að safna því sem upp á vantaði með aðstoð góðs fólks. „Annars hefði þetta aldrei tekist,“ segir hann. „Þannig að það er þakkarvert.“
Skuldin við ríkið var greidd í síðustu viku og búið er að skila inn umsókn um dvalarleyfi til Útlendingastofnunar. Jói hefur síðan fengið lánaðan bíl til að sækja Amir á flugvöllinn á morgun, en segir að öðru leyti óljóst hvað taki við hjá þeim.
„Það er margt í pípunum og maður er bara að skoða hlutina,“ segir hann og er þakklátur fyrir að þeir geti eytt jólunum saman á Íslandi. Það eigi síðan bara eftir að koma í ljós hvort þeir búi áfram í Reykjavík eða haldi jafnvel norður í land, en Jói er ættaður þaðan.
Hann segist enn sem komið er ekki hafa deilt því með mörgum að von sé á Amir, en Amir var vinmargur hér á landi er hann var fluttur úr landi. „Ég sagði Andra Snæ Magnasyni rithöfundi að Amir væri að koma aftur og okkar nánasta fólki og svo var Amir búin að láta Toshiki Toma [prest innflytjenda] vita.“
Árshátíð ríkislögreglustjóra haldin í Tékklandi
Shakespeare fannst í skókassa
Vélsleðaslys: Þyrlan kölluð út á mesta forgangi
Handteknir eftir myndatöku í Vesturbæjarlaug
Krefjast stöðvunar framkvæmda
Kostnaður meiri en milljón á fermetra
Banna mengandi búnað sem leyfður er á Íslandi