Stjórnarandstöðuflokkarnir hittust í morgun og ræddu saman um skipan nefnda á Alþingi.

„Menn voru að taka almennt stöðuna og samræma sig,“ segir Gunnar Bragi Sveinsson, þingflokksformaður Miðflokksins, en næsti fundur um málið verður á miðvikudaginn. Þá munu formenn flokkanna hittast og ræða um nefndarmál.

Ríkisstjórnin hefur lagt fram tillögu um að stjórnarandstaðan fari með forystu í þremur þingnefndum, eða stjórnskipunar- og eftirlitsnefnd, umhverfis- og samgöngunefnd og velferðarnefnd.

Frétt af mbl.is

Þiggja formennsku í nefndunum þremur

Að sögn Gunnars Braga liggur ekki ljóst fyrir hvaða flokkur mun gegna formennsku í hvaða nefnd. Flokkarnir sem um ræðir eru Miðflokkurinn, Píratar og Samfylkingin, stærstu stjórnarandstöðuflokkarnir.

Áður hefur komið fram að Willum Þór Þórsson, þingmaður Framsóknarflokksins, verður formaður fjárlaganefndar.

Tengdar fréttir

Ný ríkisstjórn 2017

Konur meirihluti aðstoðarmanna

• Sigurður Ingi með tvo aðstoðarmenn
• Ýmis mál tekin fyrir á þingfundi í dag
• Vísar kæru á Loga frá
• Enn vanti nokkuð upp á

» Fleiri tengdar fréttir

• Blogga um frétt