Allt tiltækt lið slökkviliðs höfuðborgarsvæðisins var kallað út upp úr klukkan sex í morgun þegar öryggiskerfi fór af stað í fjölbýli við Hringbraut í Reykjavík.
Í ljós kom að ekki var um eldsvoða að ræða heldur eldamennsku sem fór úr böndunum. Slökkviliðsmenn reykræstu íbúðina en íbúar höfðu gleymt sér við eldamennskuna og skilið réttinn eftir í ofninum.
Verið er að hreinsa upp eftir vatnsleka í íbúð á Garðatorgi í Garðabæ en að sögn varðstjóra í slökkviliðinu er ekki um mikið tjón að ræða.