Fagráð um umferðarmál skorar á fyrirtæki og stofnanir á Íslandi að taka þátt í baráttunni gegn ölvunarakstri, sem og akstri undir áhrifum annarra vímuefna.
„Fyrirtæki og aðrir vinnustaðir standa gjarnan fyrir jólasamkomum þegar aðventan gengur í garð þar sem starfsfólk gerir sér glaðan dag. Á slíkum samkomum er algengt að áfengi sé haft um hönd og um leið eykst hættan á ölvunarakstri,“ segir í ályktun fagráðsins.
„Vinnustaðir geta lagt sitt af mörkum með því að hvetja starfsfólk til að skilja bílinn eftir heima þegar jólafögnuður er á dagskrá. Vinnustaðir og starfsmannafélög geta einnig skipulagt heimferð starfsfólks, hvort heldur með hópbifreið eða leigubílum. Tökum aldrei sénsinn. Komum heil heim.“
Í Fagráði samgönguráðuneytis um umferðarmál sitja fulltrúar hagsmunaaðila í samgöngumálum á landi. Þeir eru, í stafrófsröð:
Akstursíþróttasamband Íslands AKÍS
Bandalag íslenskra leigubifreiðastjóra
Bifhjólasamtök lýðveldisins Sniglar
Bílgreinasambandið
Brautin, bindindisfélag ökumanna
Félag íslenskra bifreiðaeigenda
Íþrótta- og ólympíusamband Íslands
Landsamband vörubifreiðastjóra
Landsamtök hjólreiðamanna
Mennta- og menningarmálaráðuneytið
Ríkislögreglustjórinn og Lögreglustjórinn á höfuðborgarsvæðinu
Samband íslenskra sveitarfélaga
Samgöngustofa: Gunnar Geir Gunnarsson
Samtök ferðaþjónustunnar: Herdís Jónsdóttir
Samtök fjármálafyrirtækja SFF: Jón Hannes Kristjánsson
Samtök um bíllausan lífsstíl: Björn Teitsson
Slysavarnafélagið Landsbjörg: Jónas Guðmundsson ,
SVÞ Samtök verslunar og þjónustu: Eva María Árnadóttir
Vegagerðin
Velferðarráðuneytið
Ökukennarafélag Íslands
Öryrkjabandalag Íslands