Slökkvistörfum á Suðurtanga á Ísafirði lauk um níuleytið í morgun og en þar hafði mikill eldur blossaði upp um klukkan 11 í gærkvöldi.
Eldurinn kom upp í húsnæði Skipaþjónustu HG. Samkvæmt upplýsingum frá lögreglu er beðið eftir tæknideild frá Reykjavík til að rannsaka eldsupptökin.
Við slökkvistörf tókst að bjarga gömlu tveggja hæða timburhúsi, „Rauða húsinu“ svokallaða, á Suðurgötu 10 með því að brjóta niður húsnæði Skipaþjónustunnar með jarðvinnuvélum.
Um fimmtíu manns frá slökkviliði Ísafjarðar, slökkviliði Ísafjarðarflugvallar, slökkviliði Bolungarvíkur, björgunarsveitum og Ísafjarðarhöfn tóku þátt í aðgerðinni.
Gylfi Þór Gíslason, varðstjóri á Ísafirði, segir þetta vera stærsta bruna í bænum í 30 ár.
„Síðast var það kirkjan 1987. Ég hef verið hér síðan 1997 og man ekki eftir álíka bruna.“