Lögreglan á Ísafirði hefur lokið rannsókn á vettvangi vegna bruna sem kom upp í húsnæði skipaþjónustu Hraðfrystihússins Gunnvarar við Árnagötu á Ísafirði í gærkvöldi.
Slökkvistarfi lauk um níuleytið í morgun og tóku um 50 manns frá slökkviliði Ísafjarðar, slökkviliði Ísafjarðarflugvallar, slökkviliði Bolungarvíkur, björgunarsveitum og Ísafjarðarhöfn þátt í aðgerðinni.
Frétt mbl.is: Stærsti bruni í bænum í 30 ár
Eldsupptök eru ekki kunn en fram kemur í tilkynningu frá lögreglunni að unnið verður úr þeim gögnum sem náði að afla við vettvangsskoðunina.