Skíðasvæðið í Hlíðarfjalli verður opið í dag. Einnig verður opið á skíðasvæðinu í Oddsskarði og á Siglufirði og Ísafirði.
Í Hlíðarfjalli verður opið milli klukkan 10 og 16. Aðstæður eru góðar, troðinn þurr snjór og stillt og fallegt veður er í fjallinu en nokkuð kalt.
Skíðasvæðið Skarðsdal á Siglufirði verður opið í dag milli klukkan 11 og 16. Klukkan 9 í morgun var logn og 5 stiga frost á svæðinu.
Á skíðasvæði Ísafjarðarbæjar er um 8 stiga frost og stilla. Tvær lyftur verða opnar sem og gönguskíðabrautir.
Byrjendalyftan í Oddsskarði verður opin milli klukkan 11 og 15 í dag. 5 stiga frost er á svæðinu og smáél.