Búast má við talsverðri og sums staðar mikilli rigningu á sunnanverðu landinu fram að miðnætti. Þetta kemur fram á vedur.is.
Úrkoman fellur að miklu leyti á frostkalda jörð sem getur valdið því að vatn safnast fyrir, t.d. í dældum í landslagi og á vegum og má búast við talsverðum vatnavöxtum í ám og lækjum sunnan- og suðaustanlands.
Einnig mun rigna talsvert á norðanverðu Snæfellsnesi og sunnanverðum Vestfjörðum.
Hiti á landinu er 2 til 9 stig.