Alls 300 milljónir króna vantar á næsta ári til rekstrar Heilbrigðisstofnunar Suðurlands (HSu) og óskum um aukna fjármuni til rekstrarins er ekki svarað í fjárlagafrumvarpi.
Þetta kemur fram í pistli sem Herdís Gunnarsdóttir forstjóri skrifar á vef stofnunarinnar.
Samkvæmt frumvarpinu fær Heilbrigðisstofnun Suðurlands tæplega 4,1 milljarð kr. frá ríkissjóði á næsta ári. Hún er þó eigi að síður undirfjármögnuð eins og aðrar sambærilegar stofnanir úti á landi, segir forstjórinn.