Bíll valt í Ártúnsbrekku fyrir skömmu og er nú mikill viðbúnaður lögreglu, slökkviliðs og sjúkrabíla á staðnum.
Tækjabíll frá slökkviliðinu á höfuðborgarsvæðinu og tveir sjúkrabílar eru á vettvangi.
Ökumaður bifreiðarinnar var á leið í vesturátt þegar bíllinn valt. Vegrið við Ártúnsbrekkuna mun hafa farið í sundur.
Ökumaðurinn var einn í bílnum og hefur hann verið fluttur á bráðamóttöku Landspítalans til aðhlynningar. Ekki er unnt að greina frá líðan hans að svo stöddu.