Uppsögnin tengd #metoo-byltingunni
Setja bókamerki
Fyrirvaralaus uppsögn Jóns Páls Eyjólfssonar úr stóli leikhússtjóra Leikfélags Akureyrar tengist #metoo-byltingunni og máli sem kom upp fyrir um áratug. Þetta staðfestir Jón Páll í samtali við mbl.is.
Jón segir að málið snúist um atburð sem gerðist fyrir áratug og var ekki innan leikhússins. Fyrir fimm árum hafi, að frumkvæði þolandans, verið unnið að sátt í málinu og stefnt hafi verið að henni þegar #metoo-byltingin fór í gang. Segist hann hafa gert framkvæmdastjóra Menningarfélags Akureyrar grein fyrir stöðunni strax. Hann vill þó ekki nánar tjá sig um málið.
Fram kom í dag að Jón Páll og stjórn Menningarfélagsins hafi komist að samkomulagi um að hann myndi hætta tafarlaust, en áður hafði hann tilkynnt að hann hefði sagt sjálfur upp. Var samkomulag um að hann myndi vinna út leikhúsárið. Það hefur hins vegar breyst núna.
Þuríður Helga Kristjánsdóttir, framkvæmdastjóri Menningarfélags Akureyrar, segist ekki neita því að uppsögn Jóns Páls tengist #metoo-byltingunni.
Þuríður segir að þessi ákvörðun hafi verið tekin þar sem ekki ríkti lengur traust um störf hans hjá félaginu. RÚV greinir frá því að uppsögnin tengist #metoo-byltingunni og spurð um það atriði segist Þuríður ekki neita því. Hún ætli hins vegar ekki að tjá sig nánar um málið að svo stöddu.
Markaðurinn hitnar og leiguverð hækkar hratt
„Tíminn er runninn út fyrir Kristján Loftsson“
Aukin tíðni þungunarrofa hjá yngsta aldurshópnum
Kveðst tala af virðingu: „Ég er enginn dóni“
Stóraukið fé til samgöngusáttmála
Mikil skjálftavirkni á landinu áhyggjuefni
„Menn eru bara búnir að forgangsraða“
„Það er skiljanlegt að þolinmæði þeirra sé lítil“