Segir þjónustu við vogunarsjóði í 1. sæti

Sigmundur Davíð Gunnlaugsson, formaður Miðflokksins, segir að þjónusta við vogunarsjóði sé sett í 1. sæti hjá íslenskum stjórnvöldum.

„Stjórnvöld í öðrum ríkjum hafa gengið hart fram við að verja sín lönd, m.a. í Danmörku þar sem Seðlabanki Íslands var þvingaður til að selja FIH-bankann á undirverði. Hér er þjónusta við vogunarsjóði sett í 1. sæti. „Einhliða, ótvíræð og fortakslaus þjónusta,“ skrifar Sigmundur Davíð á Facebok-síðu sína.

Þar vísar hann í tilkynningu Seðlabanka Íslands þar sem birt er undanþága sem bankinn veitti Kaupþingi hf. frá gjaldeyrislögum árið 2016 til útgreiðslu kröfuhafa í bú Kaupþings.

Frétt af mbl.is

Birtir undanþágu sem Kaupþing fékk

„Á sama tíma lögðu ráðherrar lykkju á leið sína til að gera sem minnst úr forkaupsrétti ríkisins og efuðust jafnvel um að hann væri til staðar. Í því ljósi er áhugavert að skoða skjalið sem Seðlabankinn birti í dag.“

• 2 blogg um fréttina

Bloggað um fréttina

• Gústaf Adolf Skúlason: Arftaki Jóhönnustjórnarinnar talsmaður vogunarsjóða – svíkur tugi milljarða af skattgreiðendum
• Ómar Geirsson: Fréttir af landsfundi VG, eða þannig, og annað.