Cantona hitti forseta Íslands
Setja bókamerki
Guðni Th. Jóhannesson, forseti Íslands, hitti franska knattspyrnumanninn fyrrverandi Eric Cantona á Bessastöðum í gær og ræddi við hann um íþróttir á Íslandi á eftirtektarverðan árangur Íslendinga á alþjóðavettvangi, ekki síst í knattspyrnu.
Þetta kemur fram í tilkynningu á vefsíðu forsetaembættisins.
Samtal þeirra var hluti af þáttaröð um heimsmeistaramótið í knattspyrnu karla í Rússlandi sem verður sýnd á sjónvarpsstöðinni Eurosport í sumar.
Cantona er fyrrverandi leikmaður Manchester United þar sem hann gerði garðinn frægan undir lok síðustu aldar.
Cantona ræddi einnig við stuðningsmenn Tólfunnar hér á landi vegna þáttarins, að því er Vísir greindi frá á fimmtudag. Þar kemur fram að Cantona hefði í hyggju að kanna knattspyrnuhallir og annan aðbúnað íslenskra knattspyrnumanna hér á landi.
Verðbólgan komin niður í 6%
Vona að Orkustofnun veiti ekki virkjunarleyfi
Árshátíð ríkislögreglustjóra haldin í Tékklandi
Skar höfuðleðrið af íslenskri konu
„Hvílir mikil leynd yfir þessu öllu“
„Okkur miðar í rétta átt“