Hafís og ísjakar nálgast landið

Hafís er nú 14 sjómílur norður af Kögri samkvæmt nýjustu ratsjármyndum og ísdreif um 8 sjómílur norður af Hælavíkurbjargi. Þetta kemur fram í tilkynningu frá Veðurstofu Íslands.

Samkvæmt Veðurstofunni er einnig um að ræða staka borgarísjaka á svæðinu og mikið um gisinn ís. Ís færist sífellt nær landi og er talið að þetta muni halda áfram fram á laugardag. Orsök þess er talin viðvarandi suðvestanátt á Grænlandssundi að undanförnu.

Frétt af mbl.is

Hafísinn heldur áfram að nálgast

Veðurstofan hefur einnig nýtt sér ísflug og gervitunglamyndir til þess að kortleggja útbreiðslu íssins. Nýjasta gervitunglamyndin sýnir skýrt hafísinn, en myndin nær ekki nógu langt til austurs og er því óvitað að einhverju leyti hver staða hafíss er austur af þeirri breiðu sem nú nálgast landið.

Á gervitunglamynd ritar veðurfræðingur: „Hafísaðstæður breytast hratt, ekki er unnt að greina allan ís með gervitunglamyndum eða ratsjám.“

• 1 blogg um fréttina

Bloggað um fréttina

• Ómar Ragnarsson: Hafís rekur til hægri undan vindi.