Þarf að fara að ræsa gröfurnar
Anna Sigríður Einarsdóttir
Setja bókamerki
„Ég er búin að fara nokkuð oft upp á Vesturlandsveg og nú þarf bara að fara að girða sig í brók og ræsa gröfurnar,“ segir Sævar Helgi Lárusson, rannsóknarstjóri á umferðarsviði Rannsóknarnefndar samgönguslysa, sem fer með rannsókn banaslyssins sem varð á Vesturlandsvegi á mánudagskvöld.
Einn maður lést og níu slösuðust, þar af fjórir alvarlega, þegar fólksbíll og sendibíll lentu í árekstri. Tveir þeirra eru enn á gjörgæsludeild.
Sævar Helgi segir rannsókn á tildrögum slyssins enn vera í gangi. „Við reynum að finna út úr því hverjar orsakir þess voru,“ segir hann en lögregla og Rannsóknarnefndin héldu rannsókn sinni á slysstað áfram í gær.
Er þetta annað banaslysið á Vesturlandsveginum það sem af er árinu, en einn maður lést í upphafi þessa árs. Varð það slys skammt frá þeim stað sem bílarnir rákust saman á mánudag.
Sigþór Magnússon, formaður Íbúasamtaka Kjalarness, gagnrýndi ástand vegarins í morgunútvarpi Rásar 2 í morgun.
„Vegurinn er kominn á tíma“
Er Sævar Helgi er spurður út í aðstæður vegarins á slysstað, segir hann: „Vegurinn er kominn á tíma. Hjólför eru orðin nokkuð djúp og vegmerkingar farnar að mást af eins og víða á vorin. Ég er búin að fara nokkuð oft upp á Vesturlandsveg og nú þarf bara að fara að girða sig í brók og ræsa gröfurnar,“
Líkt og með aðrar leiðir til og frá höfuðborgarsvæðinu þá sé orðið brýnt að fara í aðgerðir. „Það eru held ég allir sammála um það,“ segir hann.
Þörf sé á að aðgreina akstursáttir á Kjalanesinu. „Nefndin hefur reglulega lagt það til í lokaskýrslum um slys sem hafa orðið á þessum slóðum að það sé skoðun nefndarinnar að það sé mjög mikilvægt að aðgreina akstursáttir.“
„Hvílir mikil leynd yfir þessu öllu“
Eyjafjarðarbraut lokað vegna alvarlegs umferðarslyss
„Umsátursástand“
„Það þarf að vinna mikinn fjölda upp“
„Á réttri leið en nokkuð í land ennþá“
Kostnaður meiri en milljón á fermetra
Skar höfuðleðrið af íslenskri konu
Handteknir eftir myndatöku í Vesturbæjarlaug