Heiðrún Lind Marteinsdóttir, framkvæmdastjóri SFS, áætlar að ný ráðgjöf Hafrannsóknarstofnunar geti aukið útflutningsverðmæti heildarsjávarafla um átta til tíu milljarða króna.
Hafró leggur til við ráðherra að aflamark í þorski verði aukið um 3% á næsta fiskveiðiári, 2018 til 2019, og að þorskkvótinn fari úr 257,6 þúsund tonnum í 264,4 þúsund tonn. Hrygningarstofn þorsksins hefur ekki verið stærri í hálfa öld.
Lagt er til að aflamark ýsu verði 58.982 tonn, sem er aukning um 40% frá yfirstandandi fiskveiðiári, að því er fram kemur í umfjöllun um ráðgjöfina og ávinning hennar í Morgunblaðinu í dag.