PCC Bakki harmar atvikið

PCC Bakki Silicon hf. harmar atvikið sem varð í gær þegar neyðarskorsteinar kísilverksmiðjunnar opnuðust í fimmtán mínútur.

Þetta kemur fram á vefsíðu fyrirtækisins.

Frétt af mbl.is

Reykur frá PCC Bakka vegna bilunar

„Svona atvik geta komið upp einstaka sinnum og ávallt er brugðist strax við til að tryggja að svona ástand vari í sem stystan tíma,“ segir í tilkynningunni.

Fram kemur að sjónmengunin hafi verið greinileg en að mælistöðvar hafi sýnt að loftgæði hafi ekki farið yfir heilsuverndarmörk, sem eru 50 µg/m3 yfir sólarhring.

„Unnið er að greiningu á orsök bilunarinnar og er mikil áhersla lögð á að hafa svörin eins fljótt og auðið er. PCC Bakk[a] Silicon er mikið í mun að starfa í sátt og samlyndi við samfélagið og harmar þetta atvik. Við viljum benda aftur á heimasíðu Umhverfisstofnunar, www.loftgaedi.is, þar sem hægt er að fylgjast með loftgæðum við Bakka.“

Hér má sjá reykinn sem lagði frá verksmiðjunni í gær. Ljósmynd/Aðsend

• 1 blogg um fréttina

Bloggað um fréttina

• Jónatan Karlsson: Here we go again