„Gríðarlega vel hefur gengið að grafa Dýrafjarðargöng. Nú eru verktakarnir Metrostav a.s. og Suðurverk hf. búnir að sprengja Arnarfjarðarmegin og munu gangamenn nú færa sig yfir í Dýrafjörð og klára verkið þaðan.“
Þannig segir í frétt um framgang verksins á vef Vegagerðarinnar. „Búið er að sprengja 69 prósent ganganna eða nánast alveg upp á hábunguna, alls 3.658 metra,“ segir einnig í fréttinni.
Um kl 17 sl. laugardag sprengdi verktakinn síðustu færuna í göngunum Arnarfjarðarmegin og var slegið til mikillar matarveislu um kvöldið. Fram kemur að starfsmenn verktaka voru að vonum glaðir og ánægðir með áfangann.