Heildarlausn í stað bútasaums

Bæjarstjóri Hafnarfjarðar segir lengi hafa verið bent á hve brýnt sé að gera úrbætur á Reykjanesbraut og að svo tíð alvarleg slys, líkt og varð í gærmorgun, séu ólíðandi.

Frétt af mbl.is

Það lokar enginn vegum án leyfis

„Við erum ánægð með að loksins eigi að fara í að tvöfalda þennan kafla á milli Krísuvíkurvegar og Kaldárselsvegar, en samkvæmt framkvæmdaáætlun á að ráðast í það á næsta ári,“ segir Rósa Guðbjartsdóttir.

Rósa vill sjá tvöföldunarframkvæmdum lokið innan nokkurra ára. mbl.is/Sigurður Bogi Sævarsson

„Engu að síður viljum við sjá heildarlausn í stað þessa sífellda bútasaums á Reykjanesbrautinni. Umferðarþunginn er orðinn gríðarlegur og þetta þolir enga bið. Nú er gert ráð fyrir því að þetta verði fullklárað á tíu til fimmtán árum, en við viljum sjá framkvæmdum flýtt þannig að tvöföldun verði lokið innan fárra ára.“

Rósa segir úrlausnarefni hvernig eigi að fjármagna framkvæmdir en að allir sem að komi hljóti að vera opnir fyrir því að skoða allar mögulegar leiðir.

„Þessi tíðu slys segja allt sem segja þarf og þeim verður að linna. Við verðum að gera allt hvað við getum til þess.“

Reykjanesbraut er einföld á milli Kaldárselsvegar og Krýsuvíkurvegar. mbl.is/​Hari

• 1 blogg um fréttina

Bloggað um fréttina

• Jóhann Elíasson: TILLAGA ÞESS EFNIS AÐ SAMGÖNGURÁÐHERRA HÆTTI Í HANNYRÐUNUM OG FAI …