Banksy lofi nýju verki verði Jón dæmdur

Listamaðurinn Banksy virðist hafa fengið veður af umræðunni um verk Jóns Gnarr, en hann sendi borgarstjóranum fyrrverandi skilaboð í dag og sagðist myndu senda Jóni nýtt verk yrði hann dæmdur fyrir að eyðileggja verkið.

Frétt af mbl.is

Kanni bótaskyldu vegna Banksy

Jón fékk verkið að gjöf frá Banksy þegar hann gegndi embætti borg­ar­stjóra Reykja­vík­ur. Lista­verkið komst í frétt­ir í síðustu viku og upp hóf­ust radd­ir um að verkið hlyti að vera skatt­skylt og eign borg­ar­inn­ar.

Hlaut Jón nokkra gagn­rýni vegna þessa og í langri færslu á Face­book í gær lýsti hann því yfir að hann ætlaði að farga mynd­inni svo að „hún og allt það sem hún stend­ur fyr­ir trufli eng­an“. Í fyrradag lét hann pússa verkið af álplötunni.

Frétt af mbl.is

158 milljóna króna listaverk tætt

Nokkra athygli hefur vakið að Jón notar fornafnið „hún“ í færslu sinni á Twitter um skilaboðin og furða nokkrir fylgjendur hans sig á þeirri notkun. Þess má geta að aldrei hefur fengist staðfest hver listamaðurinn Banksy er í raun og veru, og gæti því allt eins verið kona.

• 1 blogg um fréttina

Bloggað um fréttina

• Jón Snæbjörnsson: smákarlagrobb .....