Einar Bárðarson hefur ekki verið að vinna að opnum fundum fyrir VR, upplýsir Ragnar Þór Ingólfsson, formaður VR, í samtali við mbl.is. „Ég hitti hann í kringum þetta mál varðandi Orkuveituna, en hann er ekki að vinna í neinum verkefnum fyrir VR,“ segir hann.

Frétt af mbl.is

„Við getum klárað það okkar á milli“

Einar, maki Áslaugar Thelmu Einarsdóttur, sagði í tölvupósti um uppsögn eiginkonu sinnar til Bjarna Bjarnasonar, forstjóra Orkuveitunnar, og Sólrúnar Kristjánsdóttur, starfsmannastjóra fyrirtækisins, þann ellefta september að Ragnar Þór hefði beðið sig um að „taka að sér að halda utan um og kynna nokkra opna fundi sem hon­um lang­ar að VR standi fyr­ir núna í haust.“

Var krafist þess í tölvupóstinum að Orkuveitan myndi greiða Áslaugu laun til tveggja ára gegn því að fleirum yrði ekki blandað í málið. Hafði Einar gefið í skyn að hann hygðist halda fund um #meetoo byltinguna á vegum VR þar sem eiginkona hans myndi segja reynslu sína af stjórnendum fyrirtækisins.

Frétt af mbl.is

Upplifði póstinn sem hótun

„Við ræddum saman og menn koma með hugmyndir til okkar á hverjum degi, jafnvel oft á dag um hitt og þetta. Við erum að ræða allskonar hluti, en það hefur ekkert verið ákveðið eða rætt um þetta innan okkar raða,“ segir Ragnar Þór spurður um orð Einars. „Hann er ekki í neinni fundarherferð sem hann er að vinna fyrir okkur,“ bætir formaður VR við.

Ragnar Þór segist að öðru leyti ekki getað tjáð sig um málið þar sem hann hafi ekki séð umræddan tölvupóst.

Ekki tókst að ná sambandi við Einar við vinnslu fréttarinnar.

Tengdar fréttir

Málefni OR og Orku náttúrunnar

Áhrif á skjálftavirkni skoðuð frekar

• Vill synda hratt í gegnum sírópsfen leyfisveitinga
• ON vill yfirmat á um 60 milljóna bótamat
• Fordæmalaus bótakrafa í máli Áslaugar
• Áslaug hafði betur gegn ON fyrir Landsrétti

» Fleiri tengdar fréttir

• 1 blogg um fréttina

Bloggað um fréttina

• Jóhannes Ragnarsson: Hver fjárinn sjálfur gengur á? Og verk stúlkunnar fyrir Ólaf …