Vörður kallar eftir afsögn Dags
Setja bókamerki
Stjórn Varðar – fulltrúaráðs sjálfstæðisfélaganna í Reykjavík hvetur Dag B. Eggertsson, borgarstjóra Reykjavíkur, til að axla fulla ábyrgð á braggamálinu svokallaða og segja af sér embætti. Þetta kemur fram í tilkynningu frá fulltrúaráðinu, en þar segir jafnframt að „innantóm loforð um bætta stjórnunarhætti eða skipan nýrra starfshópa duga hreinlega ekki í kjölfar þess áfellisdóms sem skýrsla innri endurskoðunar svo sannarlega er.“
Segir framkvæmdaráðið að fyrir liggi að brotið var gegn innkaupareglum Reykjavíkurborgar, undanþáguheimilda innkauparáðs var ekki aflað og að borgin hafi eytt mikilvægum gögnum í tengslum við málið. „Slík vinnubrögð eru ekki íslensku stjórnvaldi til sóma,“ segir í tilkynningunni.
Telur ráðið það vera lágmarkskröfu að borgarstjóri axli ábyrgð sem æðsti yfirmaður borgarinnar og stígi til hliðar.
Marta Guðjónsdóttir, borgarfulltrúi Sjálfstæðisflokksins og Vigdís Hauksdóttir, borgarfulltrúi Miðflokksins, hafa báðar krafist þess að borgarstjóri segi af sér. Þá var í bókun Flokks fólksins spurt hvort einhver ætlaði að axla ábyrgð vegna málsins.
Þá sagði Hildur Björnsdóttir, borgarfulltrúi Sjálfstæðisflokks, að hún vildi að borgarstjóri myndi víkja úr þriggja manna hópi sem skipaður var á fimmtudag til að rýna niðurstöður skýrslu Innri endurskoðunar Reykjavíkurborgar um Braggamálið svonefnda. Ætlaði hún sjálf að víkja úr hópnum myndi Dagur ekki víkja.
Benda á Samgöngustofu sem bendir út í heim
Ofsóttur innan veggja Boeing
Mikil skjálftavirkni á landinu áhyggjuefni
Kveðst tala af virðingu: „Ég er enginn dóni“
„Það er skiljanlegt að þolinmæði þeirra sé lítil“
Þrjú og hálft ár fyrir skotárás í Úlfarsárdal
Markaðurinn hitnar og leiguverð hækkar hratt
Kvikan virðist nú skiptast til helminga