Kleifaberg heldur aftur til veiða
Setja bókamerki
Frystitogarinn Kleifaberg RE-70 lagði úr höfn í gær og hefur stefnan verið tekin á Barentshaf. Skipið var í ársbyrjun svipt veiðileyfi þar sem talið var að áhöfnin hefði stundað brottkast afla.
Greint var svo frá því í Morgunblaðinu 21. janúar að ákveðið hefði verið að fresta réttaráhrifum sviptingarinnar, á meðan kæra Útgerðarfélags Reykjavíkur er til meðferðar. Tekur sviptingin að óbreyttu gildi 15. apríl.
Gleðiefni að skipið haldi aftur til veiða
Skipið kom til Akureyrarhafnar um klukkan þrjú aðfaranótt þriðjudags og landaði afla sem metinn var á 283 milljónir króna.
„Það er gleðiefni að þetta mikla fiskiskip haldi aftur til veiða,“ segir Runólfur Viðar Guðmundsson, framkvæmdastjóri ÚR. Félagið fór í kæru sinni fram á að ráðuneytið felli ákvörðun Fiskistofu úr gildi og er það von félagsins að sú verði niðurstaðan, enda séu allar forsendur sviptingarinnar mjög veikar.
„Fram undan er sá árstími sem skipið hefur að jafnaði veitt um þriðjung af heildarverðmæti á ári hverju og því er mikilvægt að það komist úr höfn. Stefnt er að um 30 daga úthaldi og að skipið komi til baka með fullfermi. Aflaverðmæti eru mikil og skipta bæði útgerð og áhöfn mjög miklu máli.“
Skýrt skref í átt að stigmögnun
Bjarni hvetur til stillingar
Bíða vorsins hjá Landsvirkjun
Íranar hafi vísvitandi gætt hófs
„Erum á stað sem við höfum ekki séð áður“
„Hefur smám saman verið að lagast“
„Ennþá í hálfgerðu áfalli yfir þessari frétt“