Eigendur íbúða í fjölbýlishúsum gætu fengið greiðslur fyrir aukaíbúðir vegna nýrra aukahæða. Borgin undirbýr heimildir fyrir slíkum aukahæðum í fjölbýli.
Sigurður Helgi Guðjónsson, hæstaréttarlögmaður og formaður Húseigendafélagsins, segir verðmæti verða til þegar byggingarréttur er nýttur. Þau deilist milli eigenda eftir eignarhlut í húsi.
Í umfjöllun um mál þetta í Morgunblaðinu í dag segir Grétar Jónasson, framkvæmdastjóri Félags fasteignasala, breytingarnar á margan hátt spennandi. Hins vegar geti aukið byggingarmagn á lóðum ýtt undir nágrannaerjur. Þá geti fjölgun íbúða í grónum hverfum aukið enn á skort á bílastæðum.