Meðal tillagna í skýrslu Stefáns Ólafssonar prófessors og Indriða H. Þorlákssonar fyrir Eflingu er lagt til að veiðigjöld verði hækkuð verulega ásamt því að auðlindagjald verði innheimt við orkuframleiðslu, fiskeldi og ferðaþjónustu.

Skýrsluhöfundar telja að gjaldtaka eigi að miðast við að ríkissjóður fái í sinn hlut að minnsta kosti 75% af umframarði í sjávarútvegi með veiðigjöldum og/eða uppboði á kvóta. Unnið verði að frekari breytingum á innheimtu veiðigjalda af sjávarútvegi.

Frétt af mbl.is

Þrepakerfi á allt að 59 milljarða króna

Einnig leggja þeir til að sérstakt orkugjald verði lagt á sölu orku til stóriðju sem taki mið af mismun af orkuverði til stóriðju á Íslandi og í Evrópu, „að teknu tilliti til fjarlægðaráhrifa“.

Fiskeldi og námuvinnsla á einnig að greiða sitt í ríkissjóð og er lagt til að auðlindagjald verði lagt á leyfi til slíkrar nýtingar náttúruauðlinda.

Einnig er lagt til í skýrslunni að leiðir verði kannaðar til þess að „leggja auðlindagjald (aðstöðugjald eða uppboð) á þá aðila sem fengið hafa einkarétt til nýtingar á náttúruauðlindum til ferðaþjónustu“.

Ferðamenn við Geysi í Haukadal. mbl.is/RAX

Ofangreindar breytingar eru rökstuddar með fullyrðingu um að ekki hafi verið tryggt að þjóðin fái réttmæta hlutdeild í arðinum þegar nýtingarréttur auðlinda í eigu ríkis og sveitarfélaga er í höndum einkaaðila.

„Þrátt fyrir ákvæði stjórnarskrár og laga um eign þjóðarinnar á náttúruauðlindunum hefur þeim verið ráðstafað til einkaaðila án eðlilegs endurgjalds. Breyting á því er í senn réttlætismál og tekjulind fyrir ríkissjóð sem getur í staðinn létt sköttum af almenningi,“ segir í skýrslunni.

Tengdar fréttir

Kjaraviðræður

„Mætti ganga hraðar“

• „Okkur þykir Isavia fullrólegt“
• Kjaradeilu vísað til ríkissáttasemjara
• Jöfnun launa milli markaða forsenda kjarasamninga
• BÍ og SA funda í Karphúsinu í vikunni

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Auðlindarenta, hugtak sem of mikil þögn hefur ríkt um.