Fulltrúar VR og Almenna leigufélagsins munu funda aftur á mánudag og engin ákvörðun hefur verið tekin um að taka fé VR úr stýringu hjá Kviku banka. Þetta staðfestir Ragnar Þór Ingólfsson, formaður VR, í samtali við mbl.is.

Frétt af mbl.is

VR á fund Almenna leigufélagsins

„Þetta var mjög góður fundur þar sem við fórum yfir stöðu leigjenda á leigumarkaði og þá erfiðu stöðu sem við erum í sem stéttarfélag sem þarf að semja um kaup og kjör þegar þau tilboð sem liggja fyrir duga ekki fyrir hækkunum leigufélaganna,“ segir Ragnar Þór.

Hann segir fulltrúa leigufélagsins hafa sýnt afstöðu stéttarfélagsins skilning. „Ég myndi segja að fundurinn hafi verið mjög upplýsandi fyrir báða aðila. Þetta var lausnamiðaður fundur og við tókum ákvörðun um að hittast aftur á mánudag þegar við erum búin að hugleiða og melta þær hugmyndir sem þar komu fram. Við munum taka afstöðu til málsins eftir þann fund.“

Frétt af mbl.is

Hóta að taka fé úr stýringu hjá Kviku

VR sendi frá sér yfirlýsingu fyrr í vikunni þar sem þess var krafist að áform Almenna leigufélagsins um hækkun leigu yrðu dregin til baka og að öðrum kosti myndi félagið taka allt sitt fé, 4,2 milljarða, úr eignastýringu hjá Kviku banka. Kvika er eig­andi fjár­mála­fyr­ir­tæk­is­ins Gamma og Al­menna leigu­fé­lagið er í eigu sjóða Gamma.

Tengdar fréttir

Húsnæðismarkaðurinn

Gerir ráð fyrir 150 samningum í næstu viku

• Ekki byggt í takt við áform sveitarfélaga
• „Maður sefur ekki á næturnar“
• „Það er skiljanlegt að þolinmæði þeirra sé lítil“
• Hafa samþykkt kaup fyrir um 9,2 milljarða

» Fleiri tengdar fréttir

Kjaraviðræður

Kjaradeilu vísað til ríkissáttasemjara

• Hægagangur og vaxandi ókyrrð
• Aðalsteinn snýr aftur í Karphúsið
• „Mætti ganga hraðar“
• „Okkur þykir Isavia fullrólegt“

» Fleiri tengdar fréttir

• 1 blogg um fréttina

Bloggað um fréttina

• Torfi Kristján Stefánsson: Er Ragnar bara ómerkilegur populisti?