Hyggst endurvekja rekstur WOW air
Setja bókamerki
Skúli Mogensen, stofnandi og fyrrverandi forstjóri WOW air, sem tekið var til gjaldþrotaskipta í síðustu viku, hyggst endurvekja rekstur flugfélagsins.
Fréttablaðið greinir frá þessu og vísar til fjárfestakynningar, sem mun vera dagsett í gær, sem Skúli hafi látið útbúa fyrir nýja lággjaldaflugfélagið. Fram kemur að Skúli og aðrir lykilstarfsmenn WOW air leiti um þessar mundir fjármögnunar upp á 40 milljónir Bandaríkjadala, eða sem nemur um 4,8 milljörðum króna, til að standa straum af kostnaði við upphaf rekstursins.
Í kynningunni komi fram sú stefna félagsins að reka „harða lággjaldastefnu“, svipaða þeirri sem hafi verið við lýði hjá WOW air á fyrstu árum flugfélagsins.
Þá stefni fyrirhugað félag á að reka til að byrja með fimm Airbus-farþegaþotur, fjórar af gerðinni A321neo og eina af gerðinni A320neo.
Mbl.is hafði samband við Skúla og bar málið undir hann. Svaraði Skúli því til að hann gæti ekkert tjáð sig um málið á þessum tímapunkti.
„Búið að vera í dreifingu í einhvern tíma“
Ný staða uppi og óvissan meiri
Hyggjast leyfa fólki að skoða gosið
Færa slökkviliðið til nútímans
29 nautgripir fundust dauðir
Nauðgaði kærustu sinni og tók það upp
Hægagangur og vaxandi ókyrrð
Myndskeið: Segjast hafa skotið niður sprengjuflugvél