Borgarísjaki hulinn þoku

Hann var óneitanlega tignarlegur og tilkomumikill að sjá, borgarísjakinn sem reis upp úr þokunni 45 sjómílur frá Kögri, er flugvél Landhelgisgæslunnar flaug þar yfir með blaðamann og ljósmyndara mbl.is innanborðs í gær.

Talið er að jakinn, sem mældist um hálfur kílómetri að breidd og 50 til 70 metrar að hæð, risti á við fimm- til sjöfalda hæð sína.

Ítarlegri umfjöllun um ísjakann, hafísinn við landið og eftirlitsflug Landhelgisgæslunnar er að finna í ViðskiptaMogganum, sem fylgir Morgunblaðinu í dag.